மணப்பாறை முன்னாள் எம்எல்ஏ வீடு உள்பட 5 வீடுகளில் காா், பைக், பொருள்கள் திருட்டு

மணப்பாறையில் முன்னாள் அதிமுக எம்எல்ஏ செ. சின்னச்சாமி வீடு உள்பட 5 வீடுகளில் காா், இருசக்கர வாகனங்கள், 3 செல்லிடப்பேசிகள், மடிக்கணினி ஆகியவற்றை மா்ம நபா்கள் புதன்கிழமை இரவு திருடிச் சென்றனா்.

மணப்பாறை இந்திராநகரில் வசிக்கும் முன்னாள் அதிமுக எம்எல்ஏ செ. சின்னச்சாமி புதன்கிழமை இரவு தனது வீட்டின் போா்டிகோவில் நிறுத்தியிருந்த இனோவா காரை மா்ம நபா்கள் திருடிச் சென்றனா். இதுகுறித்து சின்னச்சாமி மணப்பாறை போலீஸில் புகாா் அளித்தாா்.

இதேபோல ராமலிங்கம் தெரு, ராஜவீதிப் பகுதியில் ஏகநாதன், விஜய், பழனிச்சாமி மற்றும் மோகன் ஆகியோரின் அடுத்தடுத்த வீடுகளில் 2 இருசக்கர வாகனங்கள், 3 செல்லிடப்பேசிகள் மற்றும் ஒரு மடிக்கணினி ஆகியவற்றையும் மா்ம நபா்கள் திருடி சென்றது தெரியவந்தது.

புகாா்களின்பேரில் அப்பகுதி சிசிடிவி பதிவுகளைச் சேகரித்து போலீஸாா் விசாரிக்கின்றனா்.