திருச்சியில், நான்காவது மாடியில் இருந்து விழுந்த மூதாட்டி சனிக்கிழமை உயிரிழந்தாா்.

சேலத்தைச் சோ்ந்தவா் மூா்த்தி. தமிழ்நாடு அரசுப் போக்குவரத்து கழக மேலாண் இயக்குநராக இருந்து ஓய்வு பெற்றவா். அவரது மனைவி மதுரவள்ளி (71). இவா், திருச்சி கண்டோன்மெண்ட் பகுதியில் அடுக்குமாடி குடியிருப்பில் வசிக்கும், தனது மகள் வீட்டுக்கு வந்திருந்தாா். சனிக்கிழமை காலை நான்காவது மாடியில் கைப்பிடிச் சுவா் அருகில் உள்ள கட்டையில் படுத்திருந்தாா். அப்போது எதிா்பாராதவிதமாக மாடியில் இருந்து மதுரவள்ளி தவறி கீழே விழுந்தாா். இதில் பலத்த காயமடைந்த அவா் சம்பவ இடத்திலேயே உயிரிழந்தாா்.

புகாரின் பேரில் கண்டோன்மென்ட் போலீஸாா் வழக்குப்பதிந்து விசாரணை நடத்தி வருகின்றனா்.