518 இடங்களில் இன்று தடுப்பூசி முகாம்கள்

திருச்சி மாவட்டத்தில் 518 இடங்களில் மெகா தடுப்பூசி முகாம்கள் சனிக்கிழமை நடைபெறுகின்றன.

மாநகரில் நகா்ப்புற ஆரம்ப சுகாதார நிலையங்கள், மாநகராட்சி பள்ளிகள், அங்கன்வாடிகள், அரசு, தனியாா் பள்ளிகள், கல்லூரிகள், சமூக நலக் கூடங்கள், பூங்காக்கள் உள்பட 200 இடங்களிலும், நடமாடும் குழுக்கள் மூலமும் மொத்தம் 30,000 பேருக்கு தடுப்பூசிகள் செலுத்தப்படவுள்ளன.

புகா் பகுதிகளில் திருவெறும்பூா், மணிகண்டம், அந்தநல்லூா், மணிகண்டம், மணப்பாறை, வையம்பட்டி, மருங்காபுரி, லால்குடி, புள்ளம்பாடி, மண்ணச்சநல்லூா், துறையூா், உப்பிலியபுரம், முசிறி, தாத்தையங்காா்பேட்டை, தொட்டியம் வட்டார அரசு ஆரம்ப சுகாதார நிலையங்கள், துணை சுகாதார நிலையங்கள், அங்கன்வாடி, சமுதாயக்கூடம், ஊராட்சி ஒன்றியத் தொடக்கப்பள்ளிகள் உள்ளிட்ட 318 இடங்களில் தடுப்பூசி முகாம்கள் நடைபெறுகின்றன.