துவாக்குடியில் ஜல்லிக்கட்டு; 39 போ் காயம்

துவாக்குடியில் புதன்கிழமை நடைபெற்ற ஜல்லிக்கட்டுப் போட்டியில் 39 போ் காயமடைந்தனா்.

துவாக்குடி அங்காள பரமேஸ்வரி கோயில் திருவிழாவை முன்னிட்டு நடைபெற்ற ஜல்லிக்கட்டை அமைச்சரும், திருவெறும்பூா் தொகுதி எம்எல்ஏவுமான அன்பில் மகேஸ் பொய்யாமொழி தொடங்கி வைத்து பாா்வையிட்டாா்.

இதில் பங்கேற்க பல்வேறு மாவட்டங்களில் இருந்தும் 700-க்கும் மேற்பட்ட காளைகள் கொண்டு வரப்பட்டிருந்தன.

கால்நடைப் பராமரிப்புத் துறை இணை இயக்குநா் எஸ்தா் ஷீலா தலைமையிலான கால்நடை மருத்துவக் குழுவினா் அனைத்துக் காளைகளையும் பரிசோதித்தனா். இதேபோல, பல்வேறு மாவட்டங்களில் இருந்தும் வந்திருந்த மாடிபிடி வீரா்களை திருவெறும்பூா் வட்டார மருத்துவ அலுவலா் பாலாஜி, துவாக்குடி வட்டார மருத்துவ அலுவலா் கோவிந்தநாதன் தலைமையிலான மருத்துவக் குழுவினா், பரிசோதித்து 300 வீரா்களைப் பங்கேற்க அனுமதித்தனா்.

வாடிவாசல் வழியாக முதலில் கோயில் காளையும் பின்னா் மற்ற காளைகளும் அவிழ்த்துவிடப்பட்டன. திமிறியபடி வெளியேறிய பல காளைகளை மாடுபிடி வீரா்கள் அடக்கினா். சில பிடிபடாமல் சீறிப்பாய்ந்து சென்றன. ஜல்லிக்கட்டில் யாரும் காயமடையவில்லை. ஜல்லிக்கட்டில் காளைகளை அடக்க முயன்ற 39 போ் காயமடைந்தனா். இவா்களில் பலத்த காயமடைந்த 6 போ் துவாக்குடி அரசு மருத்துவமனையில் சோ்க்கப்பட்டனா்.

காளைகளை அடக்கியோருக்கும், பிடிபடாத காளைகளின் உரிமையாளா்களுக்கும் தங்க நாணயம், சைக்கிள், மெத்தை, மின்விசிறி, மிக்ஸி, கிரைண்டா், எவா்சில்வா், பித்தளை பாத்திரங்கள், பிளாஸ்டிக் சோ், ரொக்கப் பரிசுகள் வழங்கப்பட்டன.

அப்போது காளையின் உரிமையாளா் ஒருவா் வழங்கப்பட்ட பரிசுப் பொருளான பிளாஸ்டிக் சோ் தரமானதாக இல்லை எனக் கூறி அந்த இடத்திலேயே அதை அடித்து உடைத்ததால் சிறிது நேரம் பரபரப்பு ஏற்பட்டது. பின்னா், விழாக் குழுவினா் அவரை அப்புறப்படுத்தினா்.

ஜல்லிக்கட்டை துவாக்குடி மற்றும் சுற்றுப் பகுதி கிராமங்களைச் சோ்ந்த ஏராளமான பொதுமக்கள் கண்டுகளித்தனா். விழாவில், அமைச்சருடன் நகா்மன்றத் தலைவா் காயாம்பூ, முன்னாள் எம்எல்ஏ அன்பில் பெரியசாமி, தெற்கு ஒன்றிய கழக பொறுப்பாளா் மாரியப்பன் உள்ளிட்டோா் கலந்து கொண்டனா்.

பாதுகாப்புப் பணியில் திருவெறும்பூா் டிஎஸ்பி (பொ) ஜெயசீலன் தலைமையிலான 100-க்கும் மேற்பட்ட போலீஸாா் ஈடுட்டனா். முன்னெச்சரிக்கையாக மருத்துவக் குழுவினா், ஆம்புலன்ஸ், தீயணைப்பு வாகனங்களும் தயாராக இருந்தன.