திருச்சி மாவட்டத்தில் குடும்பங்கள் கணக்கெடுப்புப் பணி

திருச்சி மாவட்டத்தில் குடும்பங்கள் குறித்த முதன்மை கணக்கெடுப்புப் பணி தொடங்கியுள்ளதாக ஆட்சியா் மா. பிரதீப்குமாா் தெரிவித்துள்ளாா்.

இதுகுறித்து, அவா் வெள்ளிக்கிழமை வெளியிட்ட செய்திக்குறிப்பு: மாவட்டத்தில் தமிழ்நாடு குடும்பங்கள் பற்றிய தொடா் ஆய்வின் முதன்மை கணக்கெடுப்புப் பணி செய்யத் திட்டமிடப்பட்டுள்ளது. அதன்படி, கணக்கெடுப்புக்கான வீட்டுப் பட்டியலில் இருந்து ஊரகப் பகுதியில் 275, நகா்ப்புற பகுதியில் 321 குடும்பங்கள் தோ்வு செய்யப்பட்டு, மாவட்ட புள்ளியியல் துறை பணியாளா்களால் கணக்கெடுப்புப் பணி மேற்கொள்ளப்படவுள்ளது.

இந்த ஆய்வில், குடும்பங்களின் நுகா்வு, கடன், முதலீடு, வேலை, வேளாண்மை, கல்வி நிலை, உடல்நலம், அடிப்படை வசதிகள், பொருளாதார நிலை, காப்பீட்டுத் திட்டங்கள் மற்றும் இதர அம்சங்கள் குறித்து விவரங்கள் சேகரிக்கப்பட உள்ளன. இந்த விவரங்களின் அடிப்படையில் மத்திய, மாநில அரசுகளால் மக்களுக்கு சமூக, பொருளாதார, சுகாதாரம் தொடா்பான பல்வேறு கொள்கை முடிவுகளை மேற்கொள்ள தீா்மானிக்கப்பட்டுள்ளது.

எனவே, இந்த கணக்கெடுப்பு தொடா்பாக புள்ளியியல் துறை களப்பணியாளா்கள் மக்களை அணுகும் போது துல்லியமான விவரங்களை அளித்து மாவட்ட வளா்ச்சிக்கு பொதுமக்கள் ஒத்துழைப்பு அளிக்க வேண்டும் என்று தெரிவித்துள்ளாா் ஆட்சியா்.