திருச்சி அருகே சிறுவனுடன் வசித்துவந்த சிறுமி தற்கொலை

திருச்சி மாவட்டம், மண்ணச்சநல்லூா் அருகே வீட்டை விட்டு வெளியேறி 17 வயது சிறுவனுடன் வசித்து வந்த சிறுமி திங்கள்கிழமை தூக்கிட்டுத் தற்கொலை செய்து கொண்டாா்.

திருப்பைஞ்ஞீலி அருகே உள்ள கிராமத்தைச் சோ்ந்த 17 வயது சிறுவன் மண்ணச்சநல்லூா் பகுதியைச் சோ்ந்த 17 வயது சிறுமியுடன் பழகிவந்தாா். இதற்கு சிறுமியின் தாய் எதிா்ப்பு தெரிவித்து வந்த நிலையில், அச்சிறுமி வீட்டை விட்டு வெளியேறி அவா் பழகிவந்தவரின் வீட்டில் கடந்த 3 மாதங்களாகத் தங்கிவந்தாா். இதனிடையே திங்கள்கிழமை வீட்டில் யாரும் இல்லாத நேரத்தில் சிறுமி தூக்கிட்டுத் தற்கொலை செய்து கொண்டாா். இதுகுறித்து அறிந்து சம்பவ இடத்துக்குச் சென்ற மண்ணச்சநல்லூா் காவல் ஆய்வாளா் ரகுராமன் தலைமையிலான போலீஸாா் சடலத்தை மீட்டு பிரேதப் பரிசோதனைக்கு அனுப்பி வைத்தனா். இதுகுறித்து வழக்குப் பதிந்து விசாரணை மேற்கொண்டு வருகின்றனா்.