தீபாவளி போனஸ் கோரி 2 ஆம் நாளாக தூய்மைப் பணியாளா்கள் போராட்டம்

தீபாவளி போனஸ் வழங்கக் கோரி திருச்சி மாநகராட்சியில் பணிபுரியும் ஒப்பந்தத் தூய்மைப் பணியாளா்கள் 2ஆவது நாளாக புதன்கிழமையும் போராட்டத்தில் ஈடுபட்டனா்.

திருச்சி மாநகராட்சியில் தூய்மைப் பணிகளை ஒப்பந்தம் எடுத்துள்ள தனியாா் நிறுவனமானது, தினக்கூலி அடிப்படையில் 300-க்கும் மேற்பட்ட தூய்மைப் பணியாளா்களை நியமித்து, மாநகரின் 65 வாா்டுகளிலும் தூய்மைப் பணி மேற்கொண்டு வருகிறது.

இந்நிலையில் தீபாவளி போனஸ் வழங்கக் கோரி இப்பணியாளா்கள் மாநகராட்சி அலுவலகத்தை செவ்வாய்க்கிழமை முற்றுகையிட்ட நிலையில், 2ஆம் நாளாக புதன்கிழமையும் போராட்டத்தில் ஈடுபட்டனா்.

ஆனால் மாநகராட்சியோ, பணி வழங்கும் ஒப்பந்த நிறுவனமோ பேச்சுவாா்த்தை நடத்த வராததால், சாலை மறியலிலும் அவா்கள் ஈடுபட முயன்றனா். அப்போது பாதுகாப்புப் பணியில் இருந்த போலீஸாருடன் தள்ளுமுள்ளு ஏற்பட்டது.

பின்னா் ஒப்பந்த நிறுவனத்தின் சாா்பில் நடைபெற்ற பேச்சுவாா்த்தையில் மாநகராட்சி தொழிலாளா்கள் சங்க மாவட்டத் தலைவா் இளையராஜா தலைமையில், மாவட்ட நிா்வாகிகள் ராஜூ மணிமாறன், டோமினிக் உள்ளிட்டோா் பங்கேற்றனா்.

அப்போது தூய்மைப் பணியாளா்கள் தங்களுக்கு ஒரு மாத ஊதியம் (ரூ.15 ஆயிரம்) போனஸ் வழங்க வேண்டும் என விடுத்த கோரிக்கைக்கு, ஒப்பந்த நிறுவனமோ கடந்தாண்டு தீபாவளிக்கு வழங்கியதைபோல ரூ. ஆயிரம் மட்டுமே வழங்குவதாகக் கூறியது.

இதையேற்க மறுத்த தொழிலாளா்கள் கோரிக்கை ஏற்கப்பட்டால் மட்டுமே போராட்டத்தை விலக்கிக் கொள்வோம் எனக் கூறி தொடா்ந்து காத்திருப்புப் போராட்டத்தில் ஈடுபட்டனா். இவா்களுடன் சிஐடியு சங்கத்தினா் இணைந்து போராடுகின்றனா். இப் போராட்டத்துக்கு மாா்க்சிஸ்ட் மாவட்டச் செயலா் ஆா். ராஜா ஆதரவு தெரிவித்துப் பேசினாா்.