கரூரில் தவெக பிரசாரக் கூட்ட நெரிசலில் ஏற்பட்ட உயிரிழப்பு சம்பவம் தொடா்பான கள விவரங்களை பிரதமரிடம் தெரிவிப்போம் என மத்திய நிதியமைச்சா் நிா்மலா சீதாராமன் தெரிவித்தாா்.

புதுதில்லியிலிருந்து விமானம் மூலம் திங்கள்கிழமை திருச்சி வந்த அவா், சாலை வழியாக கரூரில் கூட்ட நெரிசல் ஏற்பட்ட வேலுச்சாமிபுரத்துக்கு சென்று, சம்பவ இடத்தைப் பாா்வையிட்டு ஆட்சியா் மற்றும் காவல்துறையினரிடம் விவரங்களை கேட்டறிந்தாா். சம்பவ பகுதியில் இருந்த மக்கள் தெரிவித்த கருத்துகளையும் கேட்டாா்.

மத்திய அரசு துணை நிற்கும்: பின்னா், கரூா் அரசு மருத்துவக் கல்லூரி மருத்துவமனைக்கு சென்று அங்கு சிகிச்சை பெறுவோரை சந்தித்து ஆறுதல் கூறி, சம்பவம் குறித்து கேட்டறிந்தாா்.

அதைத் தொடா்ந்து, ஏமூா் புதூா், கரூா் மாரியம்மன் கோயில் அருகேயுள்ள கருப்பாயி கோயில் தெரு ஆகிய பகுதிகளில் இருந்த உயிரிழந்தோரின் சில குடும்பத்தினரை சந்தித்து, அவா்களுக்கு ஆறுதல் கூறினாா். அப்போது, பாதிக்கப்பட்டோருடன் மத்திய அரசு எப்போதும் துணை நிற்கும் என்றாா்.

பின்னா், மாவட்ட ஆட்சியரகத்தில், செய்தியாளா்களிடம் நிதியமைச்சா் நிா்மலா சீதாராமன் கூறியதாவது:

இச்சம்பவம் குறித்து அறிந்த பிரதமா் நரேந்திரமோடி, உள்துறை அமைச்சா் அமித்ஷா ஆகியோா் என்னையும், மத்திய இணை அமைச்சா் எல்.முருகனையும் உடனடியாக கரூருக்கு சென்று உயிரிழந்தோா் குடும்பத்தினா் மற்றும் காயமடைந்து சிகிச்சையில் உள்ளோரை சந்தித்து ஆறுதல் கூறுமாறு தெரிவித்தாா்.

பிரதமா் நேரில் வரவிருந்த நிலையில், சூழல் காரணமாக எங்களை அனுப்பினாா்.

பெரும் துயரம்: தற்போது சம்பவ இடத்தைப் பாா்வையிட்டு விவரங்களை கேட்டோம். உயிரிழந்தோரின் குடும்பத்தினரை சந்தித்தபோது, அவா்களின் துயரத்தை கேட்டு என்னால் பேச முடியாமல், பதிலளிக்க வாா்த்தைகள் இல்லாமல், ஆறுதல் சொல்ல முடியாத சூழல் உருவானது. மகன், மகளை இழந்த தந்தை, தாய், மனைவியை இழந்தவா் என சில குடும்பங்களை மட்டுமே சந்தித்தோம். தங்களது குடும்பத்தின் வாழ்வாதாரமாக இருந்தவா்களை இழந்து தவிப்பதாக கூறினா்.

இதுபோன்ற சம்பவம் இனி தமிழகம் மட்டுமின்றி நாட்டில் எங்குமே நிகழக் கூடாது. கள நிலவரங்களை பாா்வையிட்டபோது பெறப்பட்ட தகவல்களை பிரதமரிடமும், உள்துறை அமைச்சரிடமும் தெரிவிக்க உள்ளோம்.

மக்கள் நலனே பிரதானம்: இது போன்ற சம்பவங்கள் நிகழும்போது பலரும், பல கட்சியினரும் பல கருத்துகளையும் தெரிவிப்பா். பல்வேறு தரப்பில் பல்வேறு வகையான குரல்கள் வரும். அதற்கு இப்போது பதில் அளிக்கும் சூழல் இல்லை. மருத்துவமனையில் அளிக்கப்படும் சிகிச்சை திருப்திகரமாக இருப்பதாக காயமடைந்தோா் தெரிவித்தனா். மக்கள் கூட்டம் அதிகம் கூடும் இடத்தில் ஏற்படும் விபத்துகளின்போது, விமா்சனங்கள், குற்றச்சாட்டுகள், குறைகள், புகாா்கள் பல வரும் எது சரி, எது தவறு என நாம் தீா்மானிக்க முடியாது. மக்கள் நலனை அடிப்படையாகக் கொண்டுதான் எதையும் அணுக வேண்டும். விலைமதிக்க முடியாத உயிா்களை இழந்துள்ளோம். ஆய்வு செய்யவோ, கேள்வி எழுப்பவோ வரவில்லை. பாதிக்கப்பட்ட மக்களை சந்திக்க வந்தோம். அனைவருமே கவனமாக இருக்க வேண்டும்.

விரைவில் மத்திய அரசின் நிவாரணம்: சம்பவத்தில் உயிரிழந்தோருக்கு பிரதமரின் நிவாரண நிதியிலிருந்து தலா ரூ.2 லட்சம், காயமடைந்தோருக்கு தலா ரூ.50 ஆயிரம் அவரவா் வங்கிக் கணக்கில் நேரடியாக செலுத்தப்படும் என அறிவிக்கப்பட்டுள்ளது. பாதிக்கப்பட்டோரின் வங்கிக் கணக்கு விவரங்களை கரூா் மாவட்ட ஆட்சியா் திங்கள்கிழமை இரவுக்குள் மத்திய அரசுக்கு அனுப்புவதாக கூறியுள்ளாா். இந்த நிவாரணத் தொகை அனைவரின் வங்கிக் கணக்கிலும் சோ்ந்துவிட்டதா என்பதை 2 நாள்களில் உறுதி செய்வோம். மக்கள் நலன் சாா்ந்து, நிலையான வழிகாட்டுதல் முறைகளை உருவாக்க நேரம் பாா்க்க வேண்டியதில்லை என்றாா் அமைச்சா்.

அப்போது, மத்திய இணை அமைச்சா் எல். முருகன், கரூா் மாவட்ட ஆட்சியா் மீ. தங்கவேல், மாவட்டக் காவல் கண்காணிப்பாளா் கே. ஜோஷ் தங்கையா, தமிழக பாஜக தலைவா் நயினாா் நாகேந்திரன், வானதி சீனிவாசன் எம்எல்ஏ ஆகியோா் உடனிருந்தனா்.