பேருந்து மோதியதில் தொழிலாளி உயிரிழப்பு

விழுப்புரம் மாவட்டம், வெள்ளிமேடுபேட்டை அருகே பள்ளிப் பேருந்து மோதியதில் தொழிலாளி நிகழ்விடத்திலேயே உயிரிழந்தாா்.

திண்டிவனம் வட்டம், இளமங்கலம், பிரதானச்சாலை பகுதியைச் சோ்ந்தவா் ஏழுமலை மகன் விநாயகம் (39). கூலித்தொழிலாளியான இவா், சனிக்கிழமை தீவனூா்- வெள்ளிமேடு பேட்டை சாலையில் உள்ள இளமங்கலம் செல்லியம்மன் கோயில் அருகே சாலையோரத்தில் படுத்திருந்தாா்.

அப்போது, அங்கு நிறுத்தப்பட்டிருந்த பள்ளிப் பேருந்தை ஓட்டுநா் பின்நோக்கி இயக்கியபோது, வாகனத்தின் சக்கரத்தில் சிக்கி விநாயகம் நிகழ்விடத்திலேயே உயிரிழந்தாா்.

தகவலறிந்த வெள்ளிமேடுபேட்டை போலீஸாா் சடலத்தை கைப்பற்றி உடல்கூறாய்வுக்காக மாவட்ட அரசு மருத்துவக்கல்லூரி மருத்துவமனைக்கு அனுப்பி வைத்தனா். மேலும், இதுகுறித்த புகாரின்பேரில், போலீஸாா் ஞாயிற்றுக்கிழமை வழக்குப் பதிந்து விசாரிக்கின்றனா்.