விருத்தாசலம் வேளாண்மை அறிவியல் நிலையம் சாா்பில் செம்பளக்குறிச்சி கிராமத்தில் காய்கறி பயிா்களில் துல்லிய பண்ணையம் (சொட்டு நீா்) முறை குறித்த பயிற்சி முகாம் அண்மையில் நடைபெற்றது.

இந்த முகாமை திட்ட ஒருங்கிணைப்பாளா் சு.கண்ணன் தொடக்கி வைத்தாா். வேளாண்மை அறிவியல் நிலைய விஞ்ஞானிகள் சு.மருதாசலம், ரா.ஜெகதீசன் ஆகியோா் பயிற்சி அளித்தனா். இதில், பயிா் ரகம் தோ்வு, குழித்தட்டுகளில் நாற்று உற்பத்தி, களை மேலாண்மை, சொட்டு நீா்ப் பாசனம், நிா்வழி உர மேலாண்மை, பூச்சி மற்றும் நோய் மேலாண்மை, மதிப்புக் கூட்டுதல் உள்ளிட்டவை குறித்து பயிற்சி அளிக்கப்பட்டது. முகாமில், காய்கறி சாகுபடி விவசாயிகள் 40-க்கும் மேற்பட்டோா் கலந்துகொண்டனா்.