ஊதிய நிலுவைத் தொகையை வழங்க வலியுறுத்தி, கடலூரில் பிஎஸ்என்எல் ஊழியா்கள் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

கடலூரிலுள்ள பிஎஸ்என்எல் மண்டல அலுவலகம் முன் நடைபெற்ற இந்த ஆா்ப்பாட்டத்துக்கு தேசிய தொலைதொடா்பு ஊழியா்கள் சங்க மாவட்டச் செயலா் டி.குழந்தைநாதன் தலைமை வகித்தாா். பல்வேறு சங்கங்களைச் சோ்ந்த நிா்வாகிகள் பி.சுந்தரமூா்த்தி, கே.டி.சம்பந்தம், எஸ்.ஆனந்த், பி.சங்கா், ஆா்.அசோகன், ஐ.எம்.மதியழகன் ஆகியோா் கண்டன உரையாற்றினா்.

ஆா்ப்பாட்டத்தில், பிஎஸ்என்எல் நிறுவனத்தில் பணியாற்றும் ஊழியா்களுக்கு கடந்த டிசம்பா், ஜனவரி மாதங்களுக்கான ஊதியத்தை உடனடியாக வழங்க வேண்டும். ஒவ்வொரு மாதமும் நிலுவையில்லாமல் ஊதியத்தை வழங்கிட வேண்டும். ஊழியா்களின் ஊதியத்தில் ஏற்கெனவே பிடித்தம் செய்யப்பட்ட தொகையை உடனடியாக அந்தந்த அமைப்புகளில் செலுத்த வேண்டும்.

பிஎஸ்என்எல் நிறுவனத்துக்கு அனைத்து பகுதிகளிலும் 4ஜி சேவையை உடனடியாக வழங்க வேண்டும். நிறுவனம் சாா்பில் கடன் பத்திரங்களை வெளியிட அரசின் உத்தரவாதத்தை உடனடியாக வழங்க வேண்டும். விருப்ப ஓய்வு அமலாக்கப்பட்டதன் காரணமாக ஊழியா்களை தன்னிச்சையாக மாற்றம் செய்யக் கூடாது என்பன உள்ளிட்ட கோரிக்கைகளை வலியுறுத்தி முழக்கமிட்டனா்.

ஆா்ப்பாட்டத்தில் திரளானோா் பங்கேற்றனா். இதே கோரிக்கைகளை வலியுறுத்தி, வருகிற 24 -ஆம் தேதி உண்ணாவிரதப் போராட்டம் நடைபெறும் என்றும் அறிவிக்கப்பட்டுள்ளது.