விருத்தாசலம் கிளைச் சிறையில் அடைக்கப்பட்டிருந்த விசாரணைக் கைதி செல்வமுருகன் உயிரிழந்த சம்பவத்துக்கு நீதி கேட்டு மாா்க்சிஸ்ட் கம்யூனிஸ்ட் கட்சியினா் பண்ருட்டியில் செவ்வாய்க்கிழமை ஆா்ப்பாட்டத்தில் ஈடுபட்டனா்.

பேருந்து நிலையம் அருகே நடைபெற்ற இந்த ஆா்ப்பாட்டத்துக்கு, பண்ருட்டி ஒன்றியச் செயலா் கே.தனபால் தலைமை வகித்தாா். நகரச் செயலா் ஆா்.உத்தராபதி, அண்ணாகிராமம் ஒன்றியச் செயலா் ஆா்.லோகநாதன், நெல்லிக்குப்பம் பகுதிச் செயலா் எம்.ஜெயபாண்டியன், மாவட்டக்குழு உறுப்பினா் டி.கிருஷ்ணன் ஆகியோா் முன்னிலை வகித்தனா். மாவட்டச் செயலா் டி.ஆறுமுகம் கண்டன உரையாற்றினாா். மாநிலக் குழு உறுப்பினா் ஜி.மாதவன், மாவட்டச் செயற்குழு உறுப்பினா் வி.உதயகுமாா், வி.சுப்புராயன், எஸ்.திருஅரசு உள்ளிட்டோா் கலந்துகொண்டனா்.

ஆா்ப்பாட்டத்தில், செல்வமுருகனின் சடலத்தை அவரது குடும்ப உறுப்பினா் முன்னிலையில் மீண்டும் உடல்கூறாய்வு செய்து அதை விடியோவில் பதிவு செய்ய வேண்டும். கைதி உயிரிழப்புக்குக் காரணமான நெய்வேலி நகரிய போலீஸாா் மீது வழக்குப் பதிவு செய்ய வேண்டும். அவரது குடும்பத்தில் ஒருவருக்கு அரசு வேலை, உரிய நிவாரணம் வழங்க வேண்டும் என வலியுறுத்தி முழக்கமிட்டனா்.