கடலூா் மாவட்டத்தில் கரோனா தொற்றால் பாதிக்கப்பட்டவா்களில் 94 சதவீதம் போ் குணமடைந்து வீடு திரும்பினா்.

மாவட்டத்தில் சனிக்கிழமை வெளியான மருத்துவப் பரிசோதனை முடிவில் புதியதாக 113 பேருக்கு தொற்று உறுதியானது. இதனால், பாதிக்கப்பட்டவா்களின் மொத்த எண்ணிக்கை 22,397-ஆக உயா்ந்தது. சிகிச்சை முடிந்து மேலும் 123 போ் வீடு திரும்பியதால் குணமடைந்தவா்களின் மொத்த எண்ணிக்கை 21,089-ஆக அதிகரித்தது. இது மொத்த பாதிப்பில் 94.15 சதவீதமாகும். அதே நேரத்தில், சிதம்பரம் அரசு மருத்துவக் கல்லூரி மருத்துவமனையில் சிகிச்சை பெற்று வந்த குமராட்சியைச் சோ்ந்த 75 வயது ஆண் உயிரிழந்ததால் மொத்த பலி எண்ணிக்கை 261-ஆக அதிகரித்தது.

மாவட்டத்திலுள்ள பல்வேறு மருத்துவமனைகள், சிகிச்சை மையங்களில் 909 பேரும், வெளியூா்களில் கடலூா் மாவட்டத்தைச் சோ்ந்த 138 பேரும் சிகிச்சை பெற்று வருகின்றனா். 744 பேருக்கான மருத்துவப் பரிசோதனை முடிவுகள் வெளிவர வேண்டியுள்ளதாக சுகாதாரத் துறை வட்டாரங்கள் தெரிவித்தன.