குறிஞ்சிப்பாடி திருவள்ளுவா் கலை-அறிவியல் கல்லூரி முதலாமாண்டு மாணவா்களுக்கு இணையவழி வகுப்புகள் தொடக்க விழா அண்மையில் நடைபெற்றது.

கல்லூரி முதல்வா் வி.ராம்நாத் தலைமை வகித்தாா். தமிழ்த் துறைப் பேராசிரியா் ப.வேம்பரசி வரவேற்றாா். கல்லூரி நிா்வாகக் குழுத் தலைவா் ஆா்.சட்டநாதன், செயலா் டி.ராஜாமணி, பொருளாளா் டி.ராமலிங்கம், ஆலோசகா் ஏ.ஆசைதம்பி மற்றும் நிா்வாகக் குழு உறுப்பினா் வாழ்த்திப் பேசினா். அனைத்துத் துறைத் தலைவா்கள், பேராசிரியா்கள், பெற்றோா் மற்றும் மாணவா்கள் இணையவழியில் கலந்து கொண்டனா். கல்லூரி துணை முதல்வா் பி.மணிவண்ணன் நன்றி கூறினாா்.