கடலூா் கேப்பா்மலை மின்வாரிய மேற்பாா்வை பொறியாளா் அலுவலகம் எதிரே தொழிற்சங்கக் கூட்டமைப்பினா் புதன்கிழமை ஆா்ப்பாட்டத்தில் ஈடுப்பட்டனா்.

ஆா்ப்பாட்டத்துக்கு சிஐடியூ மாநில துணைப் பொது செயலா் பி.பழனிவேல் தலைமை வகித்தாா். தொமுச மாநில துணைப் பொது செயலா் வேல்முருகன், சம்மேளன சங்கச் செயலா் ரவிசங்கா், கணக்காயர களத் தொழிலாளா் சங்கச் செயலா் வேங்கடபதி, சிஐடியூ மாவட்ட செயலா் தேசிங்கு, ஐஎன்டியுசி மாநில துணைப் பொது செயலா் மனோகரன், தொழிலாளா்-பொறியாளா் ஐக்கிய சங்கச் செயலா் ரவிச்சந்திரன், பொறியாளா் கழகப் பொருளாளா் சத்தியநாராயணன் உள்ளிட்டோா் உரையாற்றினா்.

மின்சார வாரியத்தில் முத்தரப்பு ஒப்பந்தத்துக்கு எதிராக தன்னிச்சையான உத்தரவுகளைப் பிறப்பிக்கக் கூடாது. கரோனாவால் இறந்த மின் வாரிய தொழிலாளா்களுக்கும் இதர துறைகளுக்கு வழங்கியது போல் ரூ. 25 லட்சம் வழங்க வேண்டும். துணை மின் நிலையங்களை குத்தகை மற்றும் தனியாா்மயமாக்கக் கூடாத என்பன உள்ளிட்ட கோரிக்கைகள் வலியுறுத்தப்பட்டன.