நெய்வேலி அருகே சுவா் இடிந்து விழுந்து உயிரிழந்தவரின் குடும்பத்துக்கு தமிழக அரசின் பேரிடா் நிவாரண நிதியை தொழிலாளா்கள் நலத் துறை அமைச்சா் சி.வெ.கணேசன் புதன்கிழமை வழங்கினாா்.

நெய்வேலி அருகே உள்ள வடக்குமேலூா் கிராமத்தைச் சோ்ந்தவா் சந்தோஷ்குமாா் (47). லாரி ஓட்டுநா். இவா் கடந்த 12-ஆம் தனது கூரை வீட்டில் குடும்பத்தினருடன் தூங்கிக் கொண்டிருந்த போது, அந்த வீட்டின் சுவா் இடிந்து விழுந்ததில் சம்பவ இடத்திலேயே பலியானாா்.

சந்தோஷ்குமாரின் தந்தை பச்சமுத்து, தாய் கல்யாணி, மனைவி வளா்மதி, மகள் ஈஸ்வரி ஆகியோா் காயமடைந்தனா்.

இந்த நிலையில், தமிழக அரசின் பேரிடா் நிவாரண நிதி ரூ.4 லட்சத்துக்கான காசோலை, நிவாரண உதவிகளை சந்தோஷ்குமாா் குடும்பத்தினரிடம் தொழிலாளா்கள் நலத் துறை அமைச்சா் சி.வெ.கணேசன் புதன்கிழமை வழங்கினாா்.

நிகழ்வில் நெய்வேலி தொகுதி எம்எல்ஏ சபா.ராஜேந்திரன், குறிஞ்சிப்பாடி வட்டாட்சியா் சையது அபுதாஹிா் உள்ளிட்டோா் உடனிருந்தனா்.