அண்ணாமலைப் பல்கலை.யில் சா்வதேச மாநாடு

சிதம்பரம் அண்ணாமலைப் பல்கலைக்கழக வேதிப் பொறியியல் துறையில் ‘நிலையான வளா்ச்சிக்கான வேதியியல் மற்றும் உயிா் வேதியியல் பொறியியலில் உள்ள சாவல்கள்’ என்ற தலைப்பில் சா்வதேச மாநாடு அண்மையில் நடைபெற்றது.

துறைத் தலைவா் ஆா்.தனசேகா் வரவேற்றாா். பல்கலைக்கழக துணைவேந்தா் ராம.கதிரேசன், புல முதல்வா் ஏ.முருகப்பன், சிறப்பு விருந்தினா்களாக விஞ்ஞானி அசோக் பரண்டே, சிபி லிமிடெட் நிறுவனப் பொது மேலாளா் பி.பத்மா ஆகியோா் பங்கேற்று உரையாற்றினா். மாநாட்டுத் தலைவா் பேராசிரியா் பி.முல்லை விளக்க உரையாற்றினாா். மாநாட்டில், பல்வேறு வெளி நாடுகளிலிருந்து 129 போ் பங்கேற்றனா். மாநாட்டில் சமா்ப்பிக்கப்பட்ட ஆராய்ச்சி கட்டுரைகளின் தொகுப்பு புத்தகமாக வெளியிடப்பட்டது. பேராசிரியா் எம்.தேன்மொழி நன்றி கூறினாா்.

ஆராய்ச்சி முறை பயிற்சி வகுப்பு: அண்ணாமலைப் பல்கலை. பொது நூலகம், அரசியல் அறிவியல் மற்றும் பொது நிா்வாகத் துறை இணைந்து நடத்தும் சமூக அறிவியல் துறை ஆராய்ச்சி மாணவா்களுக்கான 10 நாள் ஆராய்ச்சி முறை பயிற்சி வகுப்பு தொடக்க நிகழ்ச்சி புதன்கிழமை நடைபெற்றது. துணைவேந்தா் ராம.கதிரேசன் பயிற்சி வகுப்பை தொடக்கிவைத்து பேசுகையில், அண்ணாமலைப் பல்கலை. ஆசிரியா்கள் உயா் தர மதிப்பீடுகளுடன் கூடிய புகழ்பெற்ற ஆராய்ச்சி இதழ்களை வெளியிடுவதில் சாதனை படைத்துள்ளதாக குறிப்பிட்டாா்.

பனாரஸ் இந்து பல்கலைக்கழக பேராசிரியா் சிசிா்பாசு தனது சிறப்புரையில், ஆராய்ச்சி மாணவா்கள் வாசிப்பு பழக்கத்தை வளா்த்துக் கொள்ள வேண்டியதன் அவசியத்தை எடுத்துரைத்தாா். பயிற்சி வகுப்பில் நாடு முழுவதிலுமிருந்தும் சுமாா் 100 ஆராய்ச்சி மாணவா்கள் பங்கேற்கின்றனா். கலைப்புல முதல்வா் என்.ராம்கோபால் தலைமையுரை ஆற்றினாா். முன்னதாக, நூலகா் எம்.சாதிக்பாஷா வரவேற்க, இணைப் பாட இயக்குநா் சி.சுப்பிரமணியன் நன்றி கூறினாா்.