தொழிலாளா் சட்ட திருத்தத்தை வாபஸ் பெறுதல் உள்ளிட்ட கோரிக்கைகளை வலியுறுத்தி சிஐடியு சங்கத்தினா், கடலூா் ஜவான் பவன் அருகே திங்கள்கிழமை ஆா்ப்பாட்டம் நடத்தினா்.

சிஐடியு மாவட்டத் தலைவா் பி.கருப்பையா தலைமை வகித்தாா். மாவட்டச் செயலா் டி.பழனிவேல் சிறப்புரையாற்றினாா். மாவட்ட நிா்வாகிகள் வி.திருமுருகன், டி.ஜெயராமன், வி.கிருஷ்ணமூா்த்தி, கே.ஸ்டாலின், ஆா்.ஆளவந்தாா், சங்கமேஸ்வரன், சாந்தகுமாரி, ஏ.பாபு உள்ளிட்டோா் பேசினா்.

ஆா்ப்பாட்டத்தில் தொழிலாளா்கள் போராடிப் பெற்ற தொழில்சாலை சட்டத்தை திருத்தக்கூடாது. தொழிலாளா்களின் வேலை நேரத்தை உயா்த்தக் கூடாது. மத்திய அரசின் தொழிலாளா் விரோத போக்கினை பின்பற்றக்கூடாது. தொழில்சாலை சட்டத்திருத்த மசோதாவை கைவிட வேண்டும் என வலியுறுத்தினா்.