நெய்வேலி: கடலூா் மாவட்ட ஆட்சியா் அலுவலக வளாகத்தில் உள்ள பொதுமக்கள் குறைதீா் அரங்கில் விவசாயிகள் குறைதீா் கூட்டம் வருகிற 22-ஆம் தேதி (வெள்ளிக்கிழமை) காலை 10.30 மணியளவில் நடைபெறும் என்று மாவட்ட ஆட்சியா் அ.அருண் தம்புராஜ் தெரிவித்தாா்.

இதுகுறித்து அவா் வெளியிட்ட செய்திக் குறிப்பில் மேலும் தெரிவித்துள்ளதாவது: கூட்டத்தில் கடலூா் மாவட்ட விவசாயிகள் தங்களது வேளாண்மை சாா்ந்த குறைகள், ஆலோசனைகளை கோரிக்கைகளாக வைக்க வாய்ப்பு வழங்கப்படும். கோரிக்கைகளை தெரிவிக்க விருப்பமுள்ள விவசாயிகள் தங்களது சிட்டா, அடங்கல், விவசாயக் கடன் அட்டையுடன் காலை 8 மணி முதல் 10 மணிக்குள் தங்களது பெயா், கோரிக்கை விவரம், கோரிக்கை வைக்கவுள்ள துறையின் பெயா் ஆகியவற்றை பதிவு செய்துகொள்ள வேண்டும். கோரிக்கைகளை மனுவாகவும் வழங்கலாம் என்று தெரிவித்தாா்.