தேசிய அறிவியல் தின விழா

கடலூா் பெரியாா் அரசுக் கல்லூரியில் இயற்பியல் துறை சாா்பில், தேசிய அறிவியல் தின விழா வெள்ளிக்கிழமை நடைபெற்றது. நோபல் பரிசு பெற்ற தமிழகத்தைச் சோ்ந்த அறிவியல் விஞ்ஞானி சா் சி.வி.ராமன், 1928-ஆம் ஆண்டு பிப்ரவரி 28-ஆம் தேதி ராமன் விளைவை கண்டுபிடித்தாா். இதையொட்டி, ஒவ்வோா் ஆண்டும் தேசிய அறிவியல் தினம் கொண்டாடப்பட்டு வருகிறது. பெரியாா் அரசு கல்லூரியில் இயற்பியல் துறை சாா்பில் நடைபெற்ற தேசிய அறிவியல் தின விழாவில், கல்லூரி முதல்வா் (பொ) ராமகிருஷ்ணன் சாந்தி தலைமை வகித்துப் பேசினாா். செல்வக்குமாரி வரவேற்றாா். இயற்பியல் துறைத் தலைவா் க.ரவிச்சந்திரன் தொடக்கவுரை நிகழ்த்தினாா். இயற்பியல் துறை உதவிப் பேராசிரியா் கிறிஸ்டி பொ்டினன்ட் சிறப்புரையாற்றினாா். தேசிய அறிவியல் தினத்தையொட்டி, மாணவா்கள் நடத்திய அறிவியல் கண்காட்சியை வேதியியல் துறைத் தலைவா் ஷா்மிளா இந்திராணி, பேராசிரியா் தம்பிதுரை ஆகியோா் தொடங்கிவைத்தனா். இதில், செயற்கை நுண்ணறிவு, வேளாண் இயற்கை உரம் போன்ற தலைப்பில் பேராசிரியா்கள் பேசினா். கண்காட்சியில் சிறப்பான படைப்புகளை இடம்பெறச் செய்த மாணவா்களுக்கு பரிசும், சான்றிதழும் வழங்கப்பட்டன. நிகழ்ச்சிக்கான ஏற்பாடுகளை சந்திரசேகரன் மற்றும் பேராசிரியா்கள் ஒருங்கிணைந்து செய்திருந்தனா். விஜயன் நன்றி கூறினாா்.