கடலூா் மாவட்டம், விருத்தாசலத்தில் லாட்டரி சீட்டு விற்பனை செய்ததாக 6 பேரை போலீஸாா் ஞாயிற்றுக்கிழமை கைது செய்தனா்.

விருத்தாசலம் டிஎஸ்பி இ.பாலகிருஷ்ணன் மேற்பாா்வையில், ஆய்வாளா் பிரதாப் சந்திரன், உதவி ஆய்வாளா் தவச்செல்வன் தலைமையிலான போலீஸாா் சனிக்கிழமை சோதனை நடத்தினா்.

அப்போது, விருத்தாசலம் ஓம்சக்தி கோயில் அருகே கேரள லாட்டரி சீட்டுகள் வைத்திருந்ததாக அழிச்சிகுடி சேகா் (65), ராமச்சந்திரன்பேட்டை முருகன் (37), பூந்தோட்டம் மோகன்குமாா் (26), மணலூா் புதிய காலனி வீராசாமி (40), கருவேப்பிலங்குறிச்சி சங்கா் (50), பி.சங்கா் (59) ஆகியோரிடம் சோதனை நடத்தி 500 போலி கேரள லாட்டரி சீட்டுகள், ரூ.19,210 ரொக்கம் மற்றும் 5 கைப்பேசிகளை பறிமுதல் செய்தனா். இது தொடா்பாக 6 போ் மீது 4 பிரிவுகளில் வழக்குப் பதிவு செய்து சிறையில் அடைத்தனா்.