கள்ளக்குறிச்சி மாவட்டம், சங்கராபுரம் அருகே ஏரி நீரில் அடித்துச் செல்லப்பட்ட நியாய விலைக் கடை ஊழியா் உயிரிழந்தாா்.

சங்கராபுரம் வட்டம், கிடங்குடையான்பட்டு கிராமத்தைச் சோ்ந்தவா் பிச்சைக்காரன் (56). இவா், மூராா்பாளையம் நியாய விலைக் கடையில் விற்பனையாளராகப் பணியாற்றி வந்தாா்.

பிச்சைக்காரன் சனிக்கிழமை இயற்கை உபாதைக்காக அந்தக் கிராமத்திலுள்ள ஏரி பகுதிக்குச் சென்றாா். பின்னா், அவா் வீடு திரும்பாததால், அவரை உறவினா்கள் தேடி வந்தனா். ஞாயிற்றுக்கிழமை காலை ஏரி கோடி தண்ணீா் செல்லும் பகுதியில் தேடிப் பாா்த்தபோது, அங்குள்ள ஜெகந்நாதன் என்பவரது கரும்புத் தோட்டம் அருகே உள்ள ஓடையில் பிச்சைக்காரன் சடலமாகக் கிடந்தது தெரியவந்தது.

தகவலறிந்த சங்கராபுரம் போலீஸாா் விரைந்து வந்து அவரது சடலத்தை மீட்டு, உடல்கூறு பரிசோதனைக்காக கள்ளக்குறிச்சி அரசு மருத்துவமனைக்கு அனுப்பி வைத்தனா். மேலும், இதுகுறித்து வழக்கு பதிவு செய்து விசாரித்து வருகின்றனா்.