தேசிய அளவிலான பளு தூக்கும் போட்டியில் வெள்ளிப் பதக்கம் வென்ற புதுவை வீரர் கி.ஜானி கிருஷ்ணனுக்கு முதல்வர் பாராட்டு தெரிவித்தார்.
புதுதில்லியில் தேசிய அளவிலான பளு மற்றும் வலு தூக்கும் போட்டி ஏப்.23 முதல் 26-ஆம் தேதி வரை நடைபெற்றது.   இதில் புதுவை மாநிலம் சார்பில் அரசு தொடக்கப் பள்ளி ஆசிரியர் ஜானி கிருஷ்ணன் பங்கேற்றார்.  அவர் 62 கிலோ பளு தூக்கும் போட்டியில் 2-ஆவது இடத்தைப் பிடித்து வெள்ளிப்பதக்கம் வென்றார்.
வெள்ளிப்பதக்கம் வென்ற அவர்,  கடந்த 27-ஆம் தேதி புதுச்சேரி சட்டப்பேரவையில் முதல்வர் நாராயணசாமியை சந்தித்தார். அவரை பாராட்டிய முதல்வர், தொடர்ந்து பல வெற்றிகள் குவித்து புதுவைக்கு பெருமை சேர்க்க வேண்டும் என்று கேட்டுக்கொண்டார்.