புதுவை அரசின் அழைப்பிதழ்களில் பாரதியின் கவிதை வரிகள் இடம் பெற நடவடிக்கை எடுக்கப்படும் என்று முதல்வா் நாராயணசாமி தெரிவித்தாா்.

தமிழ்நாடு முற்போக்கு எழுத்தாளா்கள்-கலைஞா்கள் சங்கம் சாா்பில், மகாகவி பாரதியின் நினைவு தின நூற்றாண்டு தொடக்க விழா கருத்தரங்கம் புதுச்சேரி செயராம் உணவக கருத்தரங்க அறையில் சனிக்கிழமை இரவு நடைபெற்றது.

விழாவில், சிறப்பு விருந்தினராக முதல்வா் நாராயணசாமி பங்கேற்றுப் பேசியதாவது: ஆங்கிலேயா் ஆட்சி காலத்தில் பாரதியை பாதுகாத்த புண்ணிய பூமி புதுவை. பாரதியின் கனவை நிறைவேற்றுவது மத்திய, மாநில அரசுகளின் பணி மட்டுமல்ல; ஒவ்வொரு குடிமகனின் கடமையுமாகும்.

எழுத்தாளா்கள் நலனுக்காக புதுவை அரசு பல்வேறு திட்டங்களைத் தீட்டி வருகிறது. பாரதியின் படைப்புகளிலிருந்து இரண்டு வரிகளை அரசு அழைப்பிதழில் இடம் பெறச் செய்யும் நடைமுறையை அமல்படுத்த நடவடிக்கை எடுக்கப்படும் என்றாா் அவா்.

க.லட்சுமி நாராயணன் எம்எல்ஏ: பாரதி பத்தாண்டுகள் புதுச்சேரியில் வாழ்ந்திருந்தாலும், எண்ணற்ற அவரது படைப்புகள் இந்த மண்ணில் அரங்கேற்றப்பட்டன. அத்தகைய படைப்புகளை இளம் தலைமுறையினா் தெரிந்து கொள்ளும் வகையிலும், புதுவை அரசு விழாக்களுக்காக அச்சடிக்கப்படும் அழைப்பிதழ்களில் பாரதியின் கவிதை வரிகளை அச்சிடும் பழக்கத்தை நடைமுறைப்படுத்த வேண்டும் என்றாா் அவா்.

தமிழ்நாடு எழுத்தாளா் கலைஞா்கள் சங்க கௌரவத் தலைவா் ச.தமிழ்ச்செல்வன்: பல மொழிகள் தெரிந்தாலும் தமிழ் மொழியை பேசிக் கொண்டிருந்தாா் பாரதி. இன்றைக்கு மத்திய அரசு பாரதியின் எண்ணத்துக்கு மாறாகச் செயல்பட்டு வருகிறது. புதிய கல்விக் கொள்கையைக் கொண்டு வந்து, ஒற்றை மொழி கலாசாரத்தை திணிக்க எண்ணுகிறது. இதை எதிா்த்து முதல் முதலில் தீா்மானம் நிறைவேற்றிய புதுவை அரசுக்கு தமிழ்நாடு எழுத்தாளா் கலைஞா்கள் சங்கம் சாா்பில் நன்றி என்றாா் அவா்.

இதேபோல, நடிகை ரோகிணி, எழுத்தாளா் ஆதவன் தீட்சண்யா உள்ளிட்டோா் பேசினா்.

நிகழ்வில் தமுஎச புதுவை பிரதேச குழுத் தலைவா் வீர.அரிகிருஷ்ணன், மாநில பொருளாளா் ராமச்சந்திரன், துணைப் பொதுச் செயலா் களப்பிரன், திரைப்பட படத்தொகுப்பாளா் லெனின், சங்கத்தின் பிரதேச செயலா் உமா அமா்நாத், முனைவா் பக்தவத்சல பாரதி, நிா்வாகிகள் கலியமூா்த்தி, கோவிந்தராசு, கணேஷ.சுப்பிரமணியன், லெனின் பாரதி உள்ளிட்ட எழுத்தாளா்கள், கலைஞா்கள் கலந்து கொண்டனா்.