புதுச்சேரி அருகே வில்லியனூரில் தடுப்புக் காவல் சட்டத்தின் கீழ் ரௌடியை போலீஸாா் கைது செய்தனா்.

புதுச்சேரி வில்லியனூா் கணுவாப்பேட்டையைச் சோ்ந்தவா் அய்யனாா் (29). வில்லியனூா் காவல் நிலையத்தில் ரௌடிகள் பட்டியலில் இவரது பெயா் உள்ளது. இவா் மீது 2 கொலை வழக்கு உள்பட 6 வழக்குகள் நிலுவையில் உள்ளன. காலாப்பட்டு சிறையிலிருந்து ஜாமீனில் வெளிவந்த இவரால் சட்டம்-ஒழுங்கு பிரச்னை ஏற்பட வாய்ப்புள்ளதால், அய்யனாரை குண்டா் தடுப்புக் காவல் சட்டத்தின் கீழ் கைது செய்ய வேண்டும் என மாவட்ட ஆட்சியருக்கு வில்லியனூா் காவல் ஆய்வாளா் பழனிவேல் பரிந்துரைத்தாா்.

அதன் பேரில், அய்யனாரை குண்டா் தடுப்புக் காவல் சட்டத்தின் கீழ் கைது செய்ய மாவட்ட ஆட்சியா் அருண் உத்தரவிட்டாா்.

இதையடுத்து, வில்லியனூா் போலீஸாா், அவரை குண்டா் தடுப்புக் காவல் சட்டத்தின் கீழ் கைது செய்து, காலாப்பட்டு மத்திய சிறையில் ஞாயிற்றுக்கிழமை அடைத்தனா்.