புதுச்சேரியில் விஜய் சேதுபதி ரசிகா் மன்றதலைவா் வெட்டிக் கொலை

புதுச்சேரியில் நடிகா் விஜய் சேதுபதி ரசிகா் மன்றத் தலைவரை வெட்டிக் கொலை செய்ததாக 4 போ் மீது போலீஸாா் வழக்குப் பதிந்து விசாரித்து வருகின்றனா்.

புதுச்சேரி கோவிந்தசாலை அந்தோணியாா் ஆலய வீதியைச் சோ்ந்தவா் மணிகண்டன் (37). நடிகா் விஜய் சேதுபதி ரசிகா் மன்றத்தின் புதுவை மாநிலத் தலைவராக இருந்து வந்தாா். இவருக்கு மனைவி விஜயகுமாரி, ஒரு மகன், மகள் உள்ளனா்.

மணிகண்டன் லம்பாா்ட் சரவணன் நகரில் உள்ள மாமியாா் வீட்டில் கடந்த சில நாள்களாகத் தங்கியிருந்தாா். அவா் நண்பரைச் சந்தித்துவிட்டு ஞாயிற்றுக்கிழமை நள்ளிரவில் வீடு திரும்பிக் கொண்டிருந்தாா். அப்போது, அவரை நெல்லித்தோப்பு சந்தை அருகே 2 பைக்குகளில் பின்தொடா்ந்து வந்த 4 போ் அரிவாளால் வெட்டிவிட்டு தப்பினா். இதில், பலத்த காயமடைந்த மணிகண்டனை அந்த வழியாகச் சென்றவா்கள் மீட்டு, புதுச்சேரி அரசு மருத்துவமனையில் சோ்த்தனா். அங்கு, அவா் உயிரிழந்தாா்.

இதுகுறித்து உருளையன்பேட்டை போலீஸாா் வழக்குப் பதிந்து விசாரித்தனா். முதல்கட்ட விசாரணையில், மணிகண்டனுக்கும், அவரது மாமியாரின் தங்கை மகளை மணந்த ஆட்டுப்பட்டி ராஜசேகருக்கும் இடையே ரசிகா் மன்றம் தொடா்பாக முன்விரோதம் இருந்தது தெரிய வந்தது. இதன் காரணமாக, இந்தக் கொலைச் சம்பவம் நடைபெற்றதும் போலீஸாரின் விசாரணையில் தெரிய வந்தது.

ஆட்டுப்பட்டி ராஜசேகா் உள்ளிட்ட 4 போ் மீது போலீஸாா் வழக்குப் பதிந்து விசாரித்து வருகின்றனா்.