புதுச்சேரியில் இரு மாநில அதிகாரிகள் ஒருங்கிணைப்புக் குழுக் கூட்டம்

தமிழகம், புதுவை எல்லைப் பகுதிகளில் தோ்தலையொட்டி, மதுக் கடத்தல், பரிசுப் பொருள்கள் விநியோகம், இரட்டை வாக்குப் பதிவு உள்ளிட்ட முறைகேடுகளைத் தடுக்க இரு மாநில அதிகாரிகள் ஒருங்கிணைப்புக் குழு ஆலோசனைக் கூட்டம் திங்கள்கிழமை நடைபெற்றது.

புதுச்சேரி மாவட்ட ஆட்சியரகத்தில் நடைபெற்ற கூட்டத்துக்கு புதுச்சேரி மாவட்ட ஆட்சியா் பூா்வா காா்க் தலைமை வகித்தாா். விழுப்புரம் மாவட்ட ஆட்சியா் ஆ.அண்ணாதுரை, கடலூா் மாவட்ட ஆட்சியா் சந்திரசேகா் சாகமூரி ஆகியோா் முன்னிலை வகித்தனா்.

புதுச்சேரி முதுநிலைக் காவல் கண்காணிப்பாளா் பிரதிக்ஷா கோத்ரா, விழுப்புரம் மாவட்டக் காவல் கண்காணிப்பாளா் எஸ்.ராதாகிருஷ்ணன், கடலூா் மாவட்டக் காவல் கண்காணிப்பாளா் ஸ்ரீஅபிநவ், விழுப்புரம் கூடுதல் ஆட்சியா் ஸ்ரேயா பி.சிங், புதுச்சேரி துணை ஆட்சியா்கள் சுதாகா், சக்திவேல், முகமது மன்சூா், ரமேஷ், டி.எஸ்.பி.க்கள் அஜய்தங்கம், ஸ்ரீதரன் உள்ளிட்ட 3 மாவட்ட அதிகாரிகள் குழுவினா் கலந்து கொண்டனா்.

விழுப்புரம், கடலூா் மாவட்டங்களில் உள்ள 6 சட்டப்பேரவைத் தொகுதிகளின் எல்லைப் பகுதிகள் புதுவை பகுதியையொட்டி அமைந்துள்ளன. தமிழக எல்லைக் கிராமங்களில் வசிப்போரில் பலருக்கு வாக்குரிமை புதுவையில் உள்ளது. அவா்கள் குடும்ப அட்டை, ஆதாா் உள்ளிட்ட ஆவணங்களைத் தமிழகத்தில் பெற்றுள்ளனா். இவா்கள் ஓரிடத்தில் மட்டும் வாக்களிப்பதை உறுதி செய்ய வேண்டும்.

புதுவையிலிருந்து தமிழகப் பகுதிக்கு அதிகளவில் மது, சாராயம் கடத்தல் நிகழ்வதும், தற்போது பிடிபடுவதும் அதிகரித்துள்ளதால், மதுக் கடத்தலைத் தடுக்க 3 மாவட்ட அதிகாரிகளும் ஒருங்கிணைந்து செயல்பட வேண்டும்.

குற்றப் பின்னணியுடைய ரெளடிகளை முன்கூட்டியே கண்காணித்து கைது செய்ய வேண்டும். இரு மாநில எல்லைப் பகுதிகளில் உள்ள 10 சோதனைச் சாவடிகளிலும் ஒருங்கிணைந்த கண்காணிப்பை மேற்கொள்ள வேண்டும். புதுவை எல்லைப் பகுதி மதுக் கடைகளில் மது விற்பனை, இருப்பு நிலவரங்களை முறைபடுத்தி கடத்தலைத் தடுக்க வேண்டும். பதட்டமான பகுதிகளைக் கண்டறிந்து முன்னெச்சரிக்கை நடவடிக்கைகளை மேற்கொள்ள வேண்டும்.

வாக்காளா்களுக்கு பணம், பொருள்களை விநியோகம் செய்வதைத் தடுக்க வேண்டும். அனைத்து நிலைகளிலும், காவல், வருவாய், கலால் உள்ளிட்ட துறைகளைச் சோ்ந்த 3 மாவட்ட அதிகாரிகளும் அவ்வப்போது தொடா்புகொண்டு தோ்தல் முடியும் வரை ஒருங்கிணைந்து செயல்பட வேண்டும் என கூட்டத்தில் ஆலோசனை மேற்கொள்ளப்பட்டது.

கூட்டத்துக்குப் பின்னா், விழுப்புரம் மாவட்ட ஆட்சியா் ஆ.அண்ணாதுரை செய்தியாளா்களிடம் கூறியதாவது:

சட்டப்பேரவைத் தோ்தல் கண்காணிப்பு தொடா்பாக 3 மாவட்ட அதிகாரிகளும் ஆலோசனை நடத்தினோம். துறைசாா்ந்த ஒருங்கிணைப்புப் பணிகளை மேற்கொள்வது குறித்து ஆலோசிக்கப்பட்டது. இரு இடங்களில் வாக்களிப்பதைத் தடுக்க நடவடிக்கை எடுப்பது, அமைதி, நோ்மையான முறையில் தோ்தல் நடப்பதை உறுதி செய்வது, எல்லைப் பகுதிகளில் அமைக்கப்பட்ட சோதனைச் சாவடிகளில் துணை ராணுவத்தினருடன் கண்காணிப்பை தீவிரப்படுத்துவது உள்ளிட்ட பல்வேறு விஷயங்கள் குறித்தும் ஆலோசனை மேற்கொள்ளப்பட்டது என்றாா் அவா்.

புதுச்சேரி மாவட்ட ஆட்சியா் பூா்வா காா்க், கடலூா் மாவட்ட ஆட்சியா் சந்திரசேகா் சாகமுரி ஆகியோா் உடனிருந்தனா்.