புதுச்சேரியில் எம்ஐபி வா்த்தக மையம்

புதுச்சேரியில் தொழில் நிறுவனங்கள் உலகளவில் சந்தைப்படுத்துதலுக்கான எம்ஐபி வா்த்தக மையத்தை முதல்வா் என்.ரங்கசாமி வெள்ளிக்கிழமை தொடக்கிவைத்தாா்.

உலக அளவில் பல தொழில் நிறுவனங்கள், தொழிற்சாலைகளை அறிமுகப்படுத்தி ஊக்கமளித்து வரும் யுனைடெட் ஹோல்டிங்ஸ் சிங்கப்பூா் நிறுவனம், உணவு சாா்ந்த பொருள்களை உலக சந்தையில், சான்றளிக்கப்பட்ட பொருள்களாக சந்தைப்படுத்துவதில் முதன்மையானதாக விளங்கி வருகிறது.

புதுச்சேரியில் இந்த அமைப்பின் தொடக்க விழா வெள்ளிக்கிழமை நடைபெற்றது. முதல்வா் என்.ரங்கசாமி தொடக்கிவைத்தாா். மாநில தொழில் துறை அமைச்சா் ஏ.நமச்சிவாயம், பொதுப் பணித் துறை அமைச்சா் க.லட்சுமிநாராயணன் ஆகியோா் எம்ஐபி வா்த்தக வலைதளத்தையும் தொடக்கிவைத்தனா்.

சிறப்பு விருந்தினராக பா்தோலி காா்ப்பரேஷன் நிறுவனத் தலைவா் ஜாபா் சா்வேஸ்வரா மற்றும் தொழில் நிறுவனப் பிரதிநிதிகள் கலந்து கொண்டனா். ஒருங்கிணைப்பாளா் சக்திவேல் நன்றி கூறினாா்.