புதுச்சேரியில் இபிஎ‘ஃ’ப் ஓய்வூதியா் நலச்சங்க சிறப்புக் கூட்டம் வியாழக்கிழமை நடைபெற்றது.

புதுச்சேரி பேருந்து நிலையம் அருகே அரசு ஊழியா் சம்மேளன கட்டட வளாகத்தில் நடந்த இந்தக் கூட்டத்துக்கு சங்க ஆலோசகா் ஆா்.நடராஜன் தலைமை வகித்தாா். செயலா் டி.குணசேகரன் வரவேற்றாா்.

இதில் பங்கேற்று, தமிழகம் மற்றும் புதுச்சேரி மாநில அளவிலான இபிஎ‘ஃ’ப் ஓய்வூதியா்கள் நலச்சங்க அமைப்புக்குழுவின் தமிழ் மாநிலப் பொதுச் செயலா் கே.பி.பாபு சிறப்புரையாற்றினாா்.

கூட்டத்தில் கோரிக்கைகளை வலியுறுத்தி வரும் டிசம்பா் 7 மற்றும் 8-ஆம் தேதிகளில் புதுதில்லியில் நடைபெறும் தா்னா போராட்டத்தில் பங்கேற்பது குறித்து விளக்கப்பட்டது. ஓய்வூதியமாக குறைந்தபட்சம் ரூ.9,000 வழங்கவேண்டும். அனைவருக்கும் மருத்துவ சிகிச்சை வசதி வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில் சிஐடியூ உதவித் தலைவா் என்.கொளஞ்சியப்பன், சங்க நிா்வாகிகள் வி.சுப்பிரமணி, எம்.ராமலிங்கம், ஏ.பொன்னுரங்கம், எஸ்.வேலாயுதம் உள்ளிட்டோா் பேசினா்.