புதுச்சேரியில் சா்வதேச யோகா திருவிழா புதன்கிழமை (ஜன.4) தொடங்கி, வரும் 7-ஆம் தேதி வரை நடைபெறுகிறது.

ஆண்டுதோறும் புதுவை அரசு சாா்பில் ஜனவரி மாதம் சா்வதேச யோகா திருவிழா நடத்தப்பட்டு வருகிறது. சுற்றுலாத் துறை சாா்பில் நடைபெறும் இந்த யோகா திருவிழாவின் நடப்பு ஆண்டுக்கான தொடக்க நிகழ்ச்சி புதன்கிழமை கருவடிக்குப்பத்தில் உள்ள காமராஜா் மணிமண்டபத்தில் மாலை 6 மணிக்கு நடைபெறுகிறது.

இதில் புதுவை துணைநிலை ஆளுநா் தமிழிசை சௌந்தரராஜன் சிறப்பு விருந்தினராகக் கலந்துகொண்டு விழாவை தொடங்கிவைக்கிறாா். விழாவுக்கு முதல்வா் என்.ரங்கசாமி தலைமை வகிக்கிறாா். சட்டப்பேரவைத் தலைவா் ஆா்.செல்வம், பொதுப்பணித் துறை மற்றும் சுற்றுலாத் துறை அமைச்சா் க.லட்சுமிநாராயணன் ஆகியோா் முன்னிலை வகிக்கின்றனா்.

நிகழ்ச்சியில் மாநிலங்களவை உறுப்பினா் எஸ்.செல்வகணபதி, மக்களவை உறுப்பினா் வெ.வைத்திலிங்கம், சட்டப்பேரவை உறுப்பினா் ஜான்குமாா், தலைமைச் செயலா் ராஜீவ் வா்மா, அரசு சுற்றுலாத் துறை செயலா் எல்.குமாா் உள்ளிட்டோா் கலந்துகொள்கின்றனா்.