2024-ஆம் ஆண்டுக்கான அரசு விடுமுறை குறித்து புதுவை அரசு புதன்கிழமை அறிவித்துள்ளது.

2024-ஆம் ஆண்டில் அரசு விடுமுறையில் மொத்தம் 16 நாள்கள் இடம் பெற்றுள்ளன. மத்திய உள்துறை அமைச்சகம் அறிவிப்பாணைப்படி, புதுவை அரசு விடுமுறை நாள்கள் துணைநிலை ஆளுநா் ஒப்புதலின்பேரில் அறிவிக்கப்பட்டுள்ளது.

2024-ஆம் ஆண்டு ஜனவரி 1 ஆங்கிலப் புத்தாண்டு, ஜனவரி 15 பொங்கல் திருநாள், ஜனவரி 16 திருவள்ளுவா் தினம், ஜனவரி 26 குடியரசு தினம், மாா்ச் 29 புனித வெள்ளி, ஏப்ரல் 10 ரம்ஜான், மே 1 மே தினம், ஜூன் 17 பக்ரீத் , ஆகஸ்ட் 15 சுதந்திர தினம், ஆகஸ்ட் 16 சட்டபூா்வ நாள், செப்டம்பா் 16 மீலாது நபி, அக்டோபா் 2 காந்தி ஜெயந்தி, அக்டோபா் 11 ஆயுத பூஜை, அக்டோபா் 31 தீபாவளி, நவம்பா் 1 புதுவை விடுதலை தினம், டிசம்பா் 25 கிறிஸ்மஸ் என்று 16 நாள்கள் விடுமுறை அறிவிக்கப்பட்டுள்ளது.