புதுவையில் நிகழாண்டில் விநாயகா் சதுா்த்தியை முன்னிட்டு, சுமாா் 500 இடங்களில் சிலைகள் அமைக்க ஏற்பாடு செய்து வருவதாக இந்து முன்னணி மாநிலத் தலைவா் வி.சனில்குமாா் கூறினாா்.

இதுகுறித்து அவா் கூறியிருப்பதாவது: புதுவையில் கடந்தாண்டு விநாயகா் சதுா்த்தி விழாவை முன்னிட்டு காவல் துறை அனுமதி பெற்று 350 இடங்களுக்கும் மேலாக சிலைகள் அமைக்கப்பட்டிருந்தன. அதன்படி, வரும் செப்டம்பா் 7-ஆம் தேதி விநாயகா் சதுா்த்தியை முன்னிட்டு, புதுச்சேரி உள்ளிட்ட 4 பிராந்தியங்களிலும் 500 இடங்களில் விநாயகா் சிலைகள் அமைக்கப்படவுள்ளன.

புதுச்சேரியில் மட்டும் நூற்றுக்கும் மேற்பட்ட இடங்களில் சிலைகள் அமைக்கப்படவுள்ளன. சிலைகள் 2 அடி முதல் 21 அடி வரை உயரமுடையவைகளாக இருக்கும். புதுச்சேரி சாரம் பகுதியில் 21 அடி உயர விநாயகா் சிலை அமைக்கப்பட்டு பூஜைகள் நடைபெறவுள்ளன. செப்டம்பா் 7-ஆம் தேதி விநாயகா் சிலைகள் அமைக்கப்பட்டு 11-ஆம் தேதி விசா்ஜனம் செய்யப்படும். புதுச்சேரியில் கடற்கரைச் சாலை காந்தி சிலை அருகே விநாயகா் சிலைகள் விசா்ஜனம் நடைபெறவுள்ளன என்றாா்.