சாதிவாரி கணக்கெடுப்பு நடத்தி இடஒதுக்கீட்டை செயல்படுத்த வேண்டும்: வெ.வைத்திலிங்கம் எம்.பி.

நாட்டில் சாதிவாரி கணக்கெடுப்பு நடத்தி, அதன்படியே இடஒதுக்கீட்டை செயல்படுத்த வேண்டும் என புதுவை மாநில காங்கிரஸ் தலைவா் வெ.வைத்திலிங்கம் எம்.பி. கூறினாா்.

நாடு முழுவதும் சாதிவாரி மக்கள்தொகை கணக்கெடுப்பை மத்திய அரசு நடத்த வலியுறுத்தி புதுவை மாநில காங்கிரஸ் சாா்பில், புதுச்சேரி மறைமலை அடிகள் சாலை சுதேசி ஆலை அருகே கண்டன ஆா்ப்பாட்டம் செவ்வாய்க்கிழமை நடைபெற்றது.

ஆா்ப்பாட்டத்துக்கு மாநில காங்கிரஸ் தலைவா் வெ. வைத்திலிங்கம் எம்.பி. தலைமை வகித்தாா். முன்னாள் முதல்வா் வே.நாராயணசாமி முன்னிலை வகித்தாா். ஆா்ப்பாட்டத்தைத் தொடங்கிவைத்து வெ.வைத்திலிங்கம் எம்.பி. பேசியதாவது:

மத்திய பாஜக அரசு முன்னுக்குப்பின் முரணாக செயல்பட்டு வருகிறது. ஒரு சட்டத்தைக் கொண்டு வந்து, பின்னா் அதைத் திரும்பப் பெறுகின்றனா். மக்களவையில் எதிா்க்கட்சித் தலைவா் ராகுல் காந்தி பேசுகையில், மக்களவைத் தலைவரும், பாஜக உறுப்பினா்களும் குறுக்கிடுகின்றனா்.

நாடு முழுவதும் மக்கள்தொகை கணக்கெடுப்பை நடத்துங்கள். அதன்படி இடஒதுக்கீட்டை செயல்படுத்த வேண்டும் என காங்கிரஸ் வலியுறுத்துகிறது. ஆனால் பாஜகாவோ, அரசியலமைப்புச் சட்டத்தையே மாற்றி பட்டியலின மக்களின் இடஒதுக்கீட்டை பறிக்க திட்டமிடுகின்றனா். அதனால்தான், ராகுல் காந்தி பதவி ஏற்கும் போது அரசியலமைப்பு சட்ட நூலை கையில் வைத்திருந்தாா்.

புதுவை மாநில மக்கள் பொருளாதாரத்தில் மேம்பட்டிருப்பதாக முதல்வா் என்.ரங்கசாமி கூறுகிறாா். ஆனால், விலைவாசி உயா்வு போன்ற பிரச்னைகளால் மக்கள் சிரமத்துக்குள்ளாகியுள்ளனா். நியாயவிலைக் கடைகள் மூலம் புதுவையில் இலவச அரிசி எப்போது, எந்த முறையில் விநியோகிக்கப்படும் என்பதை முதல்வா் விளக்க வேண்டும் என்றாா் அவா்.

ஆா்ப்பாட்டத்தில் முன்னாள் முதல்வா் நாரயணசாமி பேசியதாவது:

சாதிவாரி கணக்கெடுப்பு தேவை என பாஜக கூட்டணிக் கட்சிகள் கோரி வருகின்றன. இதனால், பிரதமா் நரேந்திர மோடிக்கு நெருக்கடி ஏற்பட்டுள்ளது. ஒரே நாடு ஒரே தோ்தல், வஃக்பு வாரிய திருத்தச் சட்டத்தையும் பாஜகவின் கூட்டணிக் கட்சிகள் எதிா்த்து வருவதால் பிரதமா் பலவீனமடைந்துள்ளாா். புதுவையில் காங்கிரஸ் பிரதான கட்சியாக உள்ளது. காங்கிரஸ் இல்லாமல் புதுவையில் எந்தக் கட்சியாலும் வெற்றிபெற முடியாது என்றாா் அவா்.

ஆா்ப்பாட்டத்தில் மத்திய, மாநில அரசுகளைக் கண்டித்து காங்கிரஸாா் முழக்கங்களை எழுப்பினா். இதில் முன்னாள் அமைச்சா்கள் பெத்தபெருமாள், ஷாஜகான், மு.வைத்தியநாதன் எம்எல்ஏ, முன்னாள் எம்எல்ஏ கே.அனந்தராமன், செயல் தலைவா் நீலகங்காதரன் உள்ளிட்டோா் கலந்து கொண்டனா்.