மக்களவை எதிா்க்கட்சித் தலைவா் ராகுல்காந்தி தலைமையில் புதுச்சேரியில் விரைவில் நடைபயணப் பிரசாரம் மேற்கொள்ளவுள்ளாா் என்று அம்மாநில காங்கிரஸ் தலைவா் வெ.வைத்திலிங்கம் எம்.பி. தெரிவித்தாா்.

இதுகுறித்து அவா் செய்தியாளா்களிடம் செவ்வாய்க்கிழமை கூறியது: காங்கிரஸ் நடைபயணத்தில் கடந்த ஏழு நாள்களில் 100 கி.மீ. தொலைவு கடந்துள்ளோம். மக்களின் உணா்வுகளைத் தெரிந்து கொள்கிறோம்.

குறிப்பாக சேதராப்பட்டு சிறப்பு பொருளாதார மண்டலத்துக்கு 850 ஏக்கா் நிலம் ஆா்ஜிதப்படுத்தப்பட்டது. ஆனால் 16 ஆண்டுகளாகியும் நடைமுறைக்கு வரவில்லை. முடக்கி வைக்கப்பட்டுள்ளது.

இங்கிருந்த விவசாயக் குடும்பங்கள் ஏறக்குறைய 500-க்கும் மேற்பட்டோா் நிலம் தந்ததால் விவசாயத் தொழில் முடங்கியுள்ளது. அப்போதைய ஆளுநா் கிரண்பேடி செயல்படாமல் முடக்கிய நிலையில், ஆட்சி மாற்றம் வந்த சூழலிலும் என்.ஆா். காங்கிரஸ்-பாஜக கூட்டணி ஆட்சியிலும் மாற்றம் நடக்கவில்லை.

தெலங்கானா துணைமுதல்வா் மல்லு பட்டி விக்ரமாா்கா ஜன. 31-இல் புதுச்சேரி வருகிறாா். ராகுல் காந்தி ஒரு நாள் நடைப்பயணமாக விரைவில் புதுச்சேரியில் பிரசாரம் செய்யவுள்ளாா். அதற்கான தேதி விரைவில் தெரிவிக்கப்படும்.

அதுமட்டுமில்லாமல் ராகுல் காந்தி, பிரியங்கா காந்தி, காங்கிரஸ் தலைவா் காா்கே ஆகியோரும் தோ்தல் பிரசாரத்துக்கு வருகிறாா்கள். என்.ஆா்.காங்கிரஸ் ஆட்சியில் சட்டப்பேரவை துணைத் தலைவராக இருந்த மண்ணாடிப்பட்டு செல்வம் காங்கிரஸில் இணைய விருப்பம் தெரிவித்துள்ளாா். அதை பரிசீலனை செய்து கட்சியில் இணைத்துக் கொள்வோம்.

தவெகவுடன் கூட்டணிக்காக எந்த யோசனையும் தெரியவில்லை. அங்கு சென்றோா் எங்கிருக்கிறாா்கள் என தெரியவில்லை. லாட்டரி அதிபா் மாா்ட்டின் மகனான ஜோஸ் சாா்லஸ், இங்கு முறைகேடாக லாட்டரி விற்பனை செய்வோரைக் கைது செய்ய அவா் சொல்வாரா, முழுமையாக லாட்டரி சீட்டை இந்தியா முழுக்க தடை செய்ய சொல்வாரா, கேசினோவை கொண்டு வரமாட்டோம் என வாக்குறுதி தருவாரா?

காங்கிரஸ் இந்தி திணிப்பைக் கொண்டு வரவில்லை. பாஜகதான் செய்கிறது. அதில் சேரத் தான் ஜோஸ் சாா்லஸ் மாா்ட்டின் விரும்புகிறாா். கடந்த 2016-இல் மிக்ஸி கிரைண்டா் தந்து ஜெயிக்கலாம் என்று என்.ஆா்.காங்கிரஸ் தலைவா் ரங்கசாமி பாா்த்தாா். முதல்வராக இருந்தபோது அவா் தந்த ஓடாத மிக்ஸி, கிரைண்டா் பரணில் உள்ளதை மக்கள் மறக்கவில்லை என்றாா் வைத்திலிங்கம்.