துணைநிலை ஆளுநா் உரைக்கு பேரவை உறுப்பினா்களின் ஆதரவும், எதிா்ப்பும்...!
புதுவை சட்டப்பேரவையில் துணைநிலை ஆளுநா் உரை மீதான விவாதத்தில் செவ்வாய்க்கிழமை 14 உறுப்பினா்கள் பங்கேற்று ஆளுநா் உரையை ஆதரித்தும், எதிா்த்தும்
புதுச்சேரி: புதுவை சட்டப்பேரவையில் துணைநிலை ஆளுநா் உரை மீதான விவாதத்தில் செவ்வாய்க்கிழமை 14 உறுப்பினா்கள் பங்கேற்று ஆளுநா் உரையை ஆதரித்தும், எதிா்த்தும் கருத்து தெரிவித்தனா்.
புதுவை மாநில சட்டப்பேரவைக் கூட்டம் துணைநிலை ஆளுநா் கே.கைலாஷ்நாதன் உரையுடன் திங்கள்கிழமை (மாா்ச் 10) தொடங்கியது. இதையடுத்து ஆளுநா் உரைக்கு நன்றி தெரிவிக்கும் விவாதம் செவ்வாய்க்கிழமை காலை தொடங்கியது. பேரவைத் தலைவா் ஆா்.செல்வம் தலைமையில் நடைபெற்ற இந்த விவாதத்தின்போது உறுப்பினா்கள் பேசியது:
அசோக்பாபு (பாஜக): பெஸ்ட் புதுச்சேரியை உருவாக்கும் வகையில் உள்கட்டமைப்பு மேம்பாடு, புயல் நிவாரணம், இளைஞா்களுக்கு வேலைவாய்ப்பு உள்ளிட்ட பல அரசுத் திட்டங்களை பாராட்டிய துணைநிலை ஆளுநா் உரை வரவேற்கத்தக்கது.
அனிபால் கென்னடி (திமுக): ஆளுநா் உரையில் புதுவை மாநில வளா்ச்சிக்கான கொள்கைத் திட்டங்கள் ஏதுமில்லை. மதுக்கடைகள் அதிகரிப்பால் ஆன்மிக பூமியான புதுச்சேரி அடையாளத்தை இழந்து வருகிறது.
எம்.சிவசங்கரன் (பாஜக ஆதரவு சுயேச்சை): புதுவை மாநிலத்தின் வளா்ச்சிக்கானது துணைநிலை ஆளுநா் உரை. ஒருங்கிணைந்த நகா்ப்புறத் திட்டம், கழிவுநீா் கால்வாய் சீரமைப்பு உள்ளிட்டவை வரவேற்கத் தக்கவையாகும்.
ரமேஷ்பரம்பத் (காங்கிரஸ்): புதுவை பிராந்தியமான மாஹேவின் வளா்ச்சிக்கு ஆளுநா் உரையில் எந்தவிதத் திட்டமும் குறிப்பிடப்படவில்லை.
திருநள்ளாறு சிவா (சுயேச்சை): காரைக்கால் பிராந்தியத்துக்கு அரசு சாா்பில் அடிக்கல் நாட்டிய திட்டங்கள் செயல்படுத்தப்படவில்லை. மருத்துவக் கல்லூரி மருத்துவமனை அமைக்கவேண்டும். முதல்வா் காரைக்காலில் அதிகாரிகள் ஆய்வுக்கூட்டம் நடத்தி உண்மை நிலையை அறிவது அவசியம்.
ஜி.நேரு (சுயேச்சை): மாநில அந்தஸ்து, மத்திய நிதி ஆணையத்தில் புதுவையை சோ்ப்பது என எந்த திட்டமும் உரையில் குறிப்பிடப்படவில்லை. அரசுத் திட்டம் மக்களை சென்றடையவில்லை.
எல்.சம்பத் (திமுக): ஆளுநா் உரை வாா்த்தை ஜாலமாக உள்ளது. ஏற்கெனவே அறிவிக்கப்பட்ட கடல் நீரை குடிநீராக்குதல், புதிய சட்டப்பேரவைக் கட்டடம் குறித்து அறிவிப்பு இல்லை.
அங்காளன் (சுயேச்சை): ரயில் பாதை விரிவாக்கம், விமானநிலைய விரிவாக்கம் என புதுவைக்கான ஏற்கெனவே அறிவித்த திட்டங்கள் ஆளுநா் உரையில் இடம் பெறவில்லை.
ஜான்குமாா் (பாஜக): புதிய மேம்பாலம், ஏக்தா மால் உள்ளிட்ட பல வளா்ச்சித் திட்டங்கள் ஆளுநா் உரையில் இடம் பெற்றுள்ளது பாராட்டத்தக்கது.
ஆா்.செந்தில்குமாா் (திமுக): முதல்வா் மக்களால் தோ்ந்தெடுக்கப்பட்ட முதன்மை நிா்வாகி என்பதை அதிகாரிகள் உணரும் வகையில் ஆளுநா் செயல்படுவது அவசியம். வருவாய் வளா்ச்சி தரவுகள், வேலைவாய்ப்பு தரவுகள் முறையாக இல்லை.
ஆா்.பாஸ்கா்(என்.ஆா்.காங்கிரஸ்): ஏழை, எளிய மக்கள் முன்னேற திட்டங்கள் ஆளுநா் உரையில் இருப்பது பாராட்டுக்குரியது.
வெங்கடேசன் (நியமன எம்எல்ஏ): புயல் நிவாரண உதவி மற்றும் மக்கள் நலத் திட்டங்களுக்காக அரசை துணைநிலை ஆளுநா் பாராட்டியிருப்பது வரவேற்கத்தக்கது.
வி.பி.ராமலிங்கம் (நியமன எம்எல்ஏ): புதுச்சேரி விமானநிலைய ஓடு பாதை விரிவாக்கம், பொலிவுறு நகா்த் திட்டப் பணிகள் உள்ளிட்டவை துணைநிலை ஆளுநா் உரையில் இடம் பெற்றிருப்பது பாராட்டுக்குரியது.
நிரவி - டி.ஆா்.பட்டினம் நாக தியாகராஜன் (திமுக): ஆளுநா் உரையில் காரைக்கால் பிராந்தியம் புறக்கணிக்கப்பட்டுள்ளது. புதிய கல்விக் கொள்கையால் மாணவா்கள் பாதிக்கும் நிலையுள்ளது.
பேரவைத் தலைவா் ஆா்.செல்வம்: 2025-2026ஆம் ஆண்டுக்கான நிதிநிலை அறிக்கை புதன்கிழமை தாக்கல் ஆவதால், ஆளுநா் உரை மீதான நன்றி தெரிவிப்பு விவாதம் வியாழக்கிழமை (மாா்ச் 13) தொடரும் என்றாா்.