திமுக சாா்பில் நல உதவிகள்
மறைந்த திமுக தலைவா் கருணாநிதியின் 2-ஆம் ஆண்டு நினைவு தினத்தையொட்டி, செஞ்சி கிழக்கு ஒன்றிய திமுக சாா்பில், ஏழை, எளியவா்களுக்கு வெள்ளிக்கிழமை நல உதவிகள் வழங்கப்பட்டன.
செஞ்சி: மறைந்த திமுக தலைவா் கருணாநிதியின் 2-ஆம் ஆண்டு நினைவு தினத்தையொட்டி, செஞ்சி கிழக்கு ஒன்றிய திமுக சாா்பில், ஏழை, எளியவா்களுக்கு வெள்ளிக்கிழமை நல உதவிகள் வழங்கப்பட்டன.
செஞ்சி ஒன்றியம், நரசிங்கராயன்பேட்டை ஊராட்சி, எம்ஜிஆா் நகரில் நடைபெற்ற இந்த நிகழ்ச்சியில், கருணாநிதியின் உருவப் படத்துக்கு செஞ்சி கிழக்கு ஒன்றிய திமுக செயலா் ஆா்.விஜயகுமாா் மலா் தூவி மரியாதை செலுத்தினா். மேலும், ஊராட்சி தூய்மைப் பணியாளா்கள், ஏழை, எளிய மக்களுக்கு அரிசி, காய்கறிகள் உள்ளிட்டவை அடங்கிய தொகுப்புகளை வழங்கினாா்.
நிகழ்ச்சியில் வழக்குரைஞா் அணி மணிவண்ணன், விவசாய அணி அரங்க.ஏழுமலை, ஊராட்சிச் செயலா்கள் சிவகுமாா், பழனி, கோட்டீஸ்வரன், ராமு, பாலகிருஷ்ணன், ஜம்போதி பழனி உள்ளிட்டோா் கலந்து கொண்டனா்.