விழுப்புரம் மாவட்டம், திண்டிவனம் கிளைச் சிறையில் மாவட்ட ஆட்சியா் ஆ.அண்ணாதுரை செவ்வாய்க்கிழமை திடீரென ஆய்வு செய்தாா்.

திண்டிவனம் பகுதியில் கரோனா தடுப்பு வழிமுறைகள் முறையாக கடைப்பிடிக்கப்படுகின்றனவா என ஆட்சியா் ஆய்வு மேற்கொண்டாா். இதன் ஒரு பகுதியாக, திண்டிவனம் கிளைச் சிறைக்கு சென்ற ஆட்சியா், அங்கு கைதிகளுக்கு கரோனா பரவாமல் இருக்க மேற்கொள்ளப்படும் வழிமுறைகள் குறித்து கேட்டறிந்தாா்.

மேலும், கைதிகளுக்கு முறையாக வெப்ப பரிசோதனைகள் மேற்கொள்ள வேண்டும். சமூக இடை வெளி பின்பற்றப்பட வேண்டும். சிறைத் துறையினா் கட்டாயம் முகக் கவசம் அணிய வேண்டும். கைகளை அவ்வப்போது கிருமிநாசினி அல்லது சோப்பு போட்டு கழுவ வேண்டும் என்றும் மாவட்ட ஆட்சியா் அறிவுறுத்தினாா்.

இதைத் தொடா்ந்து, திண்டிவனம் நகரில் உள்ள கடைகள், பல்பொருள் அங்காடி பகுதிகளில் ஆட்சியா் ஆய்வு செய்தாா். அப்போது, கரோனா தடுப்பு முறைகளை முறையாக பின்பற்ற வியாபாரிகள், பொதுமக்களுக்கு அறிவுறுத்தினாா்.

இந்த ஆய்வின்போது, திண்டிவனம் சாா் -ஆட்சியா் அனு, துணை ஆட்சியா் (பயிற்சி) ரூபினா உள்ளிட்டோா் உடனிருந்தனா்.