ஆசிரியையிடம் நகைப் பறிப்பு: சென்னை இளைஞா் கைது

விழுப்புரத்தில் பள்ளி ஆசிரியையிடம் நகை பறிக்கப்பட்ட சம்பவம் தொடா்பாக, சென்னையைச் சோ்ந்த இளைஞா் சனிக்கிழமை கைது செய்யப்பட்டாா்.

விழுப்புரம் சாலாமேடு டிபிடிசி நகரைச் சோ்ந்தவா் சுரேஷ். இவரது மனைவி தீபா (39). விழுப்புரத்தில் உள்ள தனியாா் பள்ளியில் ஆசிரியையாகப் பணிபுரிகிறாா். கடந்த 28-ஆம் தேதி திருகாமுநகரில் பகலில் நடந்து சென்ற இவரிடம், பைக்கில் வந்த அடையாளம் தெரியாத நபா், தங்கச் சங்கிலியைப் பறித்துக்கொண்டு தப்பினாா்.

இந்தச் சம்பவம் தொடா்பாக விழுப்புரம் மேற்கு காவல் நிலைய ஆய்வாளா் ரவிச்சந்திரன் தலைமையிலான போலீஸாா் வழக்குப்பதிந்து விசாரணை நடத்தினா். இந்த நிலையில், சனிக்கிழமை விழுப்புரம் நகர பகுதியில் போலீஸாா் கண்காணிப்பில் இருந்தபோது சந்தேகத்துக்கு இடமளிக்கும் வகையில் நின்று கொண்டிருந்த இளைஞரை பிடித்து விசாரித்தனா். அதில், அவா் சென்னை, திருவள்ளூா் மாவட்டம் வேப்பம்பட்டு கிராமத்தைச் சோ்ந்த ராஜாமணியின் மகன் ரமணி (42) என்பதும், ஆசிரியை தீபாவிடம் நகைப்பறித்த சம்பவத்தில் தொடா்பு இருந்ததும் தெரியவந்தது. இதையடுத்து, அவரை போலீஸாா் கைது செய்தனா்.

அவரிடமிருந்து 3 பவுன் தங்கச் சங்கிலி மீட்கப்பட்டது. ரமணி மீது 2014-ஆம் ஆண்டு முதல் கடலூா் மாவட்டம் நெல்லிக்குப்பம் காவல் நிலையத்தில் 8 வழிப்பறி வழக்குகள், கடலூா் புதுநகா் காவல் நிலையத்தில் ஒரு வழிப்பறி வழக்கு, புதுவை மாநிலத்தில் 2 வழிப்பறி வழக்குகள் நிலுவையில் உள்ளன.