சொகுசுப் பேருந்தில் கடத்தப்பட்டரூ.10 லட்சம் கஞ்சா பறிமுதல்

விழுப்புரம் மாவட்டம் செஞ்சி அருகே ஆம்னி பேருந்தில் கடத்தி செல்லப்பட்ட 65 கிலோ கஞ்சா மற்றும் 15 மதுபுட்டிகள் இருப்பது தெரியவந்தது. இது தொடா்பாக இருவரை போலீஸாா் கைது செய்து விசாரணை நடத்தி வருகின்றனா்.

மேல்மலையனூா் வட்டம், ஞானோதயம் கிராமத்தில் அமைக்கப்பட்ட சோதனைச் சாவடியில் வளத்தி காவல் நிலைய உதவி ஆய்வாளா் தேவேந்திரன், காவலா்கள் காா்த்திக், யுவராஜ், மணிகண்டன் ஆகியோா் வாகன சோதனையில் வெள்ளிக்கிழமை ஈடுபட்டனா்.

அப்போது, அங்கு வந்த தனியாா் சொகுசுப் பேருந்து சோதனைச் சாவடியில் நிற்காமல் சென்றது. போலீஸாா் விரட்டிச் சென்று வளத்தி காவல் நிலையம் அருகே மடக்கினா்.

பேருந்திலிருந்து இருவா் தப்பியோடினா். அவா்களைப் பிடிக்க முயன்ற போது, காவலா் யுவராஜுக்கு காயமேற்பட்டது. பேருந்து ஓட்டுநரான மதுரை திருநகரை சோ்ந்த பாண்டியன் மகன் நடராஜை (39) பிடித்த போலீஸாா் அவரிடம் விசாரணை நடத்தினா். இதில் மொத்தம் 65 கிலோ எடையிலான 29 கஞ்சா பொட்டலங்களை பிகாரிலிருந்து மதுரைக்கு கடத்திச் செல்வது தெரிய வந்தது.

அவற்றுடன் 15 மதுப்புட்டிகளையும் போலீஸாா் பறிமுதல் செய்தனா். மேலும், பேருந்தை வளத்தி காவல் நிலையத்துக்கு கொண்டு சென்றனா்.

தப்பியோடி கிளீனா் அருண், அவரது நண்பரை போலீஸாா் தேடி வருகின்றனா்.

தகவலறிந்த விழுப்புரம் மாவட்ட எஸ்.பி. ராதாகிருஷ்ணன், செஞ்சி டிஎஸ்பி இளங்கோவன் ஆகியோா் பறிமுதல் செய்யப்பட்ட கஞ்சா பொட்டலங்களை பாா்வையிட்டு விசாரணை நடத்தினா். கைப்பற்றப்பட்ட கஞ்சாவின் மதிப்பு ரூ.10 லட்சம் என்று கூறப்படுகிறது.