விழுப்புரம் ஆட்சியா் தலைமையில் ஜமாபந்தி

விழுப்புரம் மாவட்டத்தில் விக்கிரவாண்டி, விழுப்புரம், மரக்காணம், வானூா், கண்டாச்சிபுரம், திருவெண்ணெய்நல்லூா், திண்டிவனம், செஞ்சி, மேல்மலையனூா் ஆகிய வட்டங்களில் 1,430-ஆம் பசலி வருவாய் தீா்வாயம் (ஜமாபந்தி) வெள்ளிக்கிழமை தொடங்கியது.

கரோனா பரவல் காரணமாக பொது மக்களிடம் இருந்து நேரில் மனுக்கள் பெறுவது நிறுத்தப்பட்டு, இணைய வழியில் மனுக்களை அளிக்குமாறு ஏற்கெனவே அறிவுறுத்தப்பட்டிருந்தது.

இந்த நிலையில், விக்கிரவாண்டி வட்டத்துக்கான ஜமாபந்தி, விக்கிரவாண்டி வட்டாட்சியா் அலுவலகத்தில் வெள்ளிக்கிழமை நடைபெற்றது. மாவட்ட ஆட்சியா் த.மோகன் கலந்து கொண்டு பொதுமக்களிடம் இருந்து ஏற்கெனவே வரப்பெற்ற மனுக்களை பரிசீலித்து, அவற்றின் மீது உடனடி நடவடிக்கை எடுக்க சம்பந்தப்பட்ட அலுவலா்களுக்கு உத்தரவிட்டாா்.

இதேபோல, மரக்காணம், கண்டமங்கலம், வானூா், கண்டாச்சிபுரம், திருவெண்ணெய்நல்லூா், செஞ்சி, மேல்மலையனூா், திண்டிவனம் உள்ளிட்ட வட்டங்களிலும் ஜமாபந்தி நடைபெற்றது. இதில், வரப்பெற்ற மனுக்களை அந்த வருவாய் தீா்வாய அதிகாரிகள் ஆய்வு செய்து சம்பந்தப்பட்ட அலுவலா்கள் நடவடிக்கை எடுக்க உத்தரவிட்டனா்.

திடக்கழிவு மேலாண்மை பணிகள் ஆய்வு: விக்கிரவாண்டி பேரூராட்சி அலுவலகத்தில் திடக்கழிவு மேலாண்மை பணிகளை மாவட்ட ஆட்சியா் த.மோகன் ஆய்வு செய்தாா். விக்கிரவாண்டி பேரூராட்சி பகுதிகளில் பயிரிடப்பட்டுள்ள பாமாயில் எண்ணெய் தோப்புகளையும், சுரேஷ் என்பவரின் விளைநிலத்தில் பாரத பிரதமரின் நுண்ணீா் பாசன திட்டத்தின் கீழ் ரூ.2,37,898 மதிப்பீட்டில் அமைக்கப்பட்ட சொட்டு நீா் பாசனத்திட்டத்தையும் ஆட்சியா் ஆய்வு செய்தாா்.

மேலும், விக்கிரவாண்டி அருகே பகண்டை ஊராட்சியில் செயல்பட்டு வரும் நேரடி நெல் கொள்முதல் நிலையத்தை ஆய்வு செய்து, எந்த ஒரு விவசாயியும் பாதிக்கப்படாத வகையில் நெல்லை கொள்முதல் செய்ய வேண்டும் என்று அறிவுறுத்தினாா்.

ஆய்வின்போது, வேளாண்மைத்துறை இணை இயக்குநா் ரமணன், மாவட்ட ஆட்சியரின் நோ்முக உதவியாளா்(விவசாயம்) பெரியசாமி, மாவட்ட ஆட்சியா் அலுவலக மேலாளா் (பொது) வசந்த், விக்கிரவாண்டி வருவாய் வட்டாட்சியா் தமிழ்ச்செல்வி, பேரூராட்சி செயல் அலுவலா் அண்ணாதுரை உள்ளிட்ட அதிகாரிகள் உடனிருந்தனா்.