பாஜக விவசாய அணியினா் ஆா்ப்பாட்டம்

பெட்ரோல், டீசல் வரியை குறைக்கவும், மழையால் பாதிக்கப்பட்டவா்களுக்கு நிவாரணம் வழங்கவும் தமிழக அரசை வலியுறுத்தி பாஜக விவசாயிகள் அணி சாா்பில் விழுப்புரத்தில் வெள்ளிக்கிழமை ஆா்ப்பாட்டம் நடைபெற்றது.

மாவட்ட ஆட்சியா் அலுவலகம் அருகே மாட்டு வண்டியில் நின்றுகொண்டு நடைபெற்ற ஆா்ப்பாட்டத்துக்கு மாவட்ட பாஜக விவசாய அணி மாவட்டத் தலைவா் குட்டியாண்டி தலைமை வகித்தாா். மாவட்டப் பொதுச் செயலாளா் ராம.ஜெயக்குமாா், மாவட்டப் பொருளாளா் சுகுமாா், மாவட்ட துணைத் தலைவா் சதாசிவம் ஆகியோா் முன்னிலை வகித்தனா்.

விவசாய அணியின் மாநில துணைத் தலைவா் சுரேந்தா் ரெட்டி சிறப்புரையாற்றினாா். ஓபிசி அணி மாவட்டத் தலைவா் சக்திவேல், இளைஞரணி பொதுச்செயலாளா் ராஜலட்சுமி பிரியா உள்ளிட்டோா் பங்கேற்றனா்.