விழுப்புரம் மாவட்டத்தில் ஏரி, குளங்களில் ஆக்கிரமிப்புகள் விரைவில் அகற்றப்படும்: விவசாயிகள் குறைதீா் கூட்டத்தில் ஆட்சியா் உறுதி

விழுப்புரம் மாவட்டத்தில் ஏரி, குளங்களில் உள்ள ஆக்கிரமிப்புகள் அகற்றப்படும் என்று விவசாயிகள் குறைதீா் கூட்டத்தில் ஆட்சியா் சி.பழனி தெரிவித்தாா்.

விழுப்புரம் மாவட்ட ஆட்சியரகக் கூட்டரங்கில் வெள்ளிக்கிழமை விவசாயிகள் குறைதீா் கூட்டம் நடைபெற்றது. மாவட்ட ஆட்சியா் சி.பழனி தலைமை வகித்தாா். மாவட்ட வருவாய் அலுவலா் மு.பரமேசுவரி, திண்டிவனம் சாா் ஆட்சியா் கட்டா ரவி தேஜா, வேளாண் இணை இயக்குநா் கணேசன், மண்டலக் கூட்டுறவு சங்கங்களின் இணைப் பதிவாளா் யசோதா தேவி உள்ளிட்ட பல்வேறு துறை அலுவலா்கள் பங்கேற்றனா்.

இந்தக் கூட்டத்தில் பேசிய விவசாய சங்கங்களின் பிரதிநிதிகள், விவசாயிகளின் கருத்துகள் வருமாறு:

பட்டா மாற்றம் கோரி விவசாயிகள் விண்ணப்பிக்கும் மனுக்கள் மீது உடனடியாக நடவடிக்கை எடு க்காமல், அலைக்கழிக்கிறாா்கள். எனவே, உடனடியாக பட்டா மாற்றம் செய்து தரவேண்டும்.

கூத்தேரிப்பட்டில் பாலம் அமைக்கும் பணிக்காக சாலை ஏரியில் முறைகேடாக மண் அள்ளப்படுகிறது. அரசு நிா்ணயித்த அளவைக் காட்டிலும் மண் அள்ளப்படுவதால், பெரும் பாதிப்பு ஏற்படுகிறது. விதிமீறல்கள் குறித்து உரிய விசாரணை நடத்தவேண்டும்.

இயற்கை விவசாயம் குறித்து கிராமப்புற விவசாயிகளுக்கு எடுத்துரைக்க வேண்டும். விவசாயிகளை ஒன்றியம் வாரியாக கண்டுணா் சுற்றுலாவுக்கு அழைத்து செல்ல வேண்டும்.

திண்டிவனத்தில் சிப்காட் தொழில்பேட்டை பணிக்காக பெலாகுப்பம் ஏரியில் மண் தோண்டப்பட்டு, எடுக்கப்பட்டு வருகிறது.

தற்போது மதகுக்கும், மண் எடு க்கப்பட்ட அளவுக்கும் இடையே 10 அடி ஆழம் உள்ளது. இதனால் ஏரியிலிருந்து மதகு வழியாக தண் ணீா் வெளியேற முடியாத நிலை உருவாகியிருக்கிறது.

இதுகுறித்து மாவட்ட நிா்வாகம் உரிய நடவடிக்கை எடுக்கவில்லை எனில், நீதிமன்றத்தில் வழக்குத் தொடரப்படும்.

உழவன் செயலி சரியான முறையில் செயல்படவில்லை. இந்த செயலியில் ஒழுங்குமுறை விற்பனைக் கூடங்களின் அன்றாட நடவடிக்கைகள் பதிவு செய்யப் படுவதில்லை.

தொடக்க வேளாண் கூட்டுறவுக் கடன் சங்கங்களில் உரத் தட்டுப் பாடு உள்ளது. இதுகுறித்து மாவட்ட நிா்வாகம் நடவடிக்கை எடுக்க வேண்டும்.

நெல் கொள்முதல் நிலையங்களில் விவசாயிகள் விற்பனை செய்யும் நெல்லுக்குரிய தொகையை விரைந்து வழங்கவேண்டும். இதுபோல, ஒழுங்குமுறை விற்பனைக் கூடங்களிலும் விவசாயிகளின் பொருள்களுக்கு உரிய காலத்தில் பணப்பட்டு வாடா செய்ய வேண்டும்.

ஈச்சங்குப்பம் ஏரியில் ஆக்கிரமி ப்பு அதிகம் உள்ளது. இதுகுறித்து பல முறை புகாரளித்தும் நடவடிக்கை எடுக்கப்படவில்லை. எனவே ஏரி ஆக்கிரமிப்புகளை உடனடியாக அகற்ற வேண்டும்.

நெல் கொள்முதல் நிலையங்களில் மூட்டைகளை இறக்கி, ஏற்றும் தொழிலாளா்கள் அரசு நிா்ணயித்த தொகையைக் காட்டிலும் கூடுதலாக கேட்கின்றனா்.

ஆட்சியா் பதில்: விவசாயிகளின் கேள்விகளுக்குப் பதிலளித்து ஆட்சியா் சி.பழனி பேசியதாவது:

மாவட்டத்தில் ஏரி, குளங்களில் செய்யப்பட்டுள்ள ஆக்கிரமிப்புகளை அகற்றும் பணி விரைவாக மேற்கொள்ளப்படும்.

கடந்த ஓராண்டில் விவசாயிகள், பொதுமக்களிடமிருந்து 1.60 லட்சம் மனுக்கள் பெறப்பட்டன. இந்த மனுக்களுக்கு 30 நாள்களுக்குள் பதிலளித்து வருகிறோம். சில மனுக்களுக்கு 90 நாள்கள், 180 நாள்கள் கூட ஆகலாம். நீதிமன்ற நடவடிக்கைகள் போன்றவை காரணமாக இந்த தாமதநிலை ஏற்படுகிறது.

ஒழுங்குமுறை விற்பனைக் கூட ங்களில் பணப்பட்டுவாடா விரை வாக மேற்கொள்ள நடவடிக்கை எடுக்கப்படும்.

அரசுப்பணிக்காக மட்டும்தான் ஏரிகளில் மண் அள்ள அனுமதி வழங்கப்பட்டுள்ளது. இதில் முறைகேடுகள் நடைபெற்றால் உரிய நடவடிக்கை மேற்கொள்ளப்படும். பட்டா மாற்றம் குறித்த பணிகளையும் விரைவாக மேற்கொள்ள நடவடிக்கை எடுக்கப்படும் என்றாா்.