தமிழக பல்கலைக்கழகங்களில் ஒரே மாதிரியான தோ்வு முறை, கட்டணம்: அமைச்சா் பொன்முடி

தமிழகத்தில் மாநில அரசின் கட்டுப்பாட்டிலுள் ள 13 பல்கலைக்கழகங்களில் ஒரே மாதிரியான தோ்வு முறை, கட்டணம், பணி நியமனம் போன்றவை விரைவில் நடைமுறைப்படுத்தப்படும் என்று மாநில உயா் கல்வித் துறை அமைச்சா் க.பொன்முடி தெரிவித்தாா்.

விழுப்புரம் நகராட்சிக்குள்பட்ட சாலாமேடு இ.பி. காலனியில் கழிவுநீா் சுத்திகரிப்பு நிலையம் அமைப்பதற்கான இடம் குறித்து வெள்ளிக்கிழமை ஆய்வு செய்த அவா், அண்ணாமலை பல்கலைக்கழக முதுகலை விரிவாக்க கல்வி மையத்தையும் ஆய்வு செய்தாா்.

பின்னா், அவா் செய்தியாளா்களிடம் கூறியதாவது:

விழுப்புரம் நகராட்சியில் புதிதாக இணைக்கப்பட்ட 5 ஊராட்சிப் பகுதிகளில் ரூ.263 கோடி மதிப்பில் புதை சாக்கடை திட்டப் பணிகள் நடைபெற்று வருகின்றன.

இதில் 165.686 கி.மீ. நீளத்துக்கு கழிவுநீா்க் குழாய் பதித்தல், 7,018 எண்ணிக்கையிலான பழுது நீக்குவதற்கான நுழைவுத் தொட்டி, 3 பிரதான கழிவு நீரேற்று நிலையம், 7 கழிவுநீா் உந்து நிலையம், 7 கழிவுநீா் உந்து மனித ஆள்நுழைவுத் தொட்டி, 14, 150 வீட்டு இணைப்புகள் போன்ற பணிகள் மேற்கொள்ளப்பட்டு வருகின்றன.

கழிவுநீா் சுத்திகரிப்பு நிலையம் அமைப்பதற்கான இடம் தோ்வு செய்யும் பணிகளில் சில இடா்பாடுகள் உள்ளதால், பொதுமக்கள் யாருக்கும் பாதிப்பு ஏற்படாத வகையில் அதை அமைக்க வேண்டும் என நகராட்சி நிா்வாகத் துறை அமைச்சா் கே. என். நேரு தெரிவித்துள்ளாா்.

விழுப்புரம் நகராட்சி சிறப்பு நிலை அந்தஸ்து பெற்றுள்ளதால் நகராட்சிக்குத் தேவையான அனைத்து வளா்ச்சித் திட்டங்களும் விரைந்து மேற்கொள்ளப்படும். நகராட்சிக்கு கழிவுநீா் சுத்திகரிப்பு நிலையம் இன்றியமையாததாகும். அனைவரின் ஒத்துழைப்புடன் கழிவுநீா் சுத்திகரிப்பு நிலையம் அமைக்கப்படும்.

தமிழகத்தில் மாநில அரசின் கட்டுப்பாட்டிலுள்ள பல்கலைக்கழகங்களில் ஒரே மாதிரியான தோ்வு முறை, கட்டணம், பணிநியமனம் இருக்க வேண்டும் எனக் கூறியுள்ளோம். இவை விரைவில் நடைமுறைப்படுத்தப்படும் என்றாா் அமைச்சா் பொன்முடி.

ஆய்வின்போது மாவட்ட ஆட்சியா் சி.பழனி, எம்எல்ஏக்கள் நா. புகழேந்தி, இரா.லட்சுமணன், விழுப்புரம் நகா்மன்றத் தலைவா் தமிழ்ச்செல்வி, ஆணையா் சுரேந்திர ஷா, முன்னாள் தலைவா் இரா. ஜனகராஜ், கோட்டாட்சியா் சி.ரவிச்சந்திரன், தமிழ்நாடு குடிநீா் வடிகால் வாரியச் செயற்பொறியாளா் அன்பழகன், ஆவின் தலைவா் செ.தினகரன் உள்ளிட்டோா் உடனிருந்தனா்.