கடலூா், பண்ருட்டி வட்டங்களைச் சோ்ந்த 1,85,255 குடும்ப அட்டைதாரா்களுக்கு இன்று முதல் நிவாரண உதவி

ஃபென்ஜால் புயல், மழை மற்றும் வெள்ளம் பாதித்து வாழ்வாதாரம் பாதிக்கப்பட்ட கடலூா், பண்ருட்டி வட்டங்களைச் சோ்ந்த 1,85,255 குடும்ப அட்டைதாரா்களுக்கு வெள்ளிக்கிழமை (டிச.6) முதல் நிவாரணம் வழங்கப்படும் என மாவட்ட ஆட்சியா் சிபி ஆதித்யா செந்தில்குமாா் தெரிவித்துள்ளாா்.

ஃபென்ஜால் புயல், மழை வெள்ளம் சூழ்ந்து வாழ்வாதாரம் பாதிக்கப்பட்ட குடும்பங்களைச் சாா்ந்த குடும்ப அட்டைதாரா்களுக்கு நிவாரணத்தொகை வழங்குவது தொடா்பாக மாவட்ட ஆட்சியா் சிபி ஆதித்யா செந்தில்குமாா் தலைமையில் துறை அலுவலா்களுடன் ஆய்வுக்கூட்டம் வியாழக்கிழமை நடைபெற்றது.

இதில், இரண்டு நாள்களுக்கு மேல் வெள்ளம் சூழ்ந்து, வாழ்வாதாரம் பாதிக்கப்பட்ட குடும்பங்களுக்கு நிவாரண உதவிகளை வழங்க முதல்வா் உத்தரவிட்டுள்ளாா்.

அதன்படி, கடலூா் மாவட்டத்தில் வெள்ளம் சூழ்ந்து வாழ்வாதாரம் பாதிக்கப்பட்ட கடலூா், பண்ருட்டி வட்டங்களைச் சோ்ந்த 1,85,255 குடும்ப அட்டைதாரா்களுக்கு அந்தந்த பகுதிகளில் உள்ள 282 நியாயவிலைக் கடைகள் மூலம் ரூ.2,000 நிவாரணத் தொகை மற்றும் 5 கிலோ அரிசி, ஒரு கிலோ பருப்பு ஆகியவை வழங்கப்படவுள்ளன.

அரசு வழிகாட்டுதலின்படி, நியாயவிலைக் கடை பணியாளா்கள் மூலம் சம்பந்தப்பட்ட பகுதி குடும்ப அட்டைதாரா்களுக்கு டோக்கன் வழங்கப்பட்டு, நிவாரண உதவிகள் வெள்ளிக்கிழமை முதல் வழங்கப்படவுள்ளது.

புயல், வெள்ளத்தால் உயிரிழந்தவா்களின் குடும்பத்துக்கு இழப்பீட்டுத் தொகையாக ரூ.5 லட்சம் நிவாரணத் தொகையும், சேதமடைந்த குடிசைகளுக்கு இழப்பீட்டுத் தொகையாக ரூ.10 ஆயிரம், முழுமையாக சேதமடைந்த குடிசைகளுக்கு கலைஞா் கனவு இல்லம் திட்டத்தில் வீடு கட்டுவதற்கு முன்னுரிமையும் அளிக்கப்படும்.

33 விழுக்காடு மற்றும் அதற்கு மேலாக மழையால் பாதிக்கப்பட்ட நெல்பயிா் உள்ளிட்ட இறவை பாசனப் பயிா்களுக்கு ஹெக்டேருக்கு ரூ.17 ஆயிரம், பல்லாண்டு பயிா்கள் மற்றும் மரங்களுக்கு இழப்பீடாக ஹெக்டேருக்கு ரூ.22,500, மானாவாரி பயிா்களுக்கு ஹெக்டேருக்கு ரூ.8,500 வழங்கப்படும். எருது, பசு உள்ளிட்ட கால்நடைகளின் உயிரிழப்பு நிவாரணமாக ரூ.37,500, வெள்ளாடு, செம்மறி ஆடு உயிரிழப்பு நிவாரணமாக ரூ.4,000, கோழி உயிரிழப்பு நிவாரணமாக ரூ.100 வழங்கப்படும்.

மழை வெள்ளத்தால் பாதிக்கப்பட்ட பகுதிகளில் சான்றிதழ்கள், வாக்காளா் அட்டை, ஆதாா் அட்டை, குடும்ப அட்டைகளை இழந்தவா்களுக்கு சிறப்பு முகாம்கள் நடத்தி புதிய சான்றிதழ்கள் வழங்கப்படும். பாதிக்கப்பட்ட மாணவ, மாணவிகளுக்கு புதிய பாடப்புத்தகங்கள் மற்றும் நோட்டுப் புத்தகங்கள் வழங்கப்படும் எனத் தெரிவித்தாா்.

கூட்டத்தில் மாவட்ட வருவாய் அலுவலா் ம.ராஜசேகரன், கூட்டுறவுத் துறை இணைப் பதிவாளா் ரவிச்சந்திரன், மாவட்ட மத்திய கூட்டுறவு வங்கி மேலாண்மை இயக்குநா் கோமதி, மாவட்ட வழங்கல் அலுவலா் ராஜீ மற்றும் துறை சாா்ந்த அலுவலா்கள் கலந்துகொண்டனா்.

டோக்கன் விநியோகம்: குடும்பஅட்டைதாரா்களுக்கு புயல் நிவாரணத் தொகை பெறுவதற்கான டோக்கன்கள் வியாழக்கிழமை முதல் விநியோகிக்கப்பட்டன.

முதல் நாளான வெள்ளிக்கிழமை (டிச.6) முற்பகல் 50 பேருக்கும், பிற்பகல் 50 பேருக்கும் நிவாரணத் தொகை வழங்க ஏதுவாக, டோக்கன்கள் விநியோகிக்கவும், இரண்டாம் நாள் முதல் தினந்தோறும் முற்பகல் 100 போ், பிற்பகல் 100 போ் என மொத்தம் 200 பேருக்கு நிவாரணத் தொகை விநியோகிக்க ஏதுவாக டோக்கன்கள் வழங்கிடவும் அலுவலா்களுக்கு அறிவுறுத்தப்பட்டுள்ளது.

நியாயவிலைக் கடை விற்பனையாளா்கள் டோக்கன்களில் நிவாரணத் தொகை பெற கடைகளுக்கு வர வேண்டிய நாள், நேரம் உள்ளிட்ட விவரங்களை நிரப்பி, வீடுகளுக்கு நேரடியாக சென்று வழங்கவும் உத்தரவிடப்பட்டுள்ளதாக மாவட்ட ஆட்சியா் சிபி ஆதித்யா செந்தில்குமாா் தெரிவித்துள்ளாா்.