சத்துணவு ஊழியா்கள் ஆா்ப்பாட்டம்

தொகுப்பூதிய அடிப்படையில் பணி நியமனம் செய்வதை கைவிட வேண்டும் என்பது உள்ளிட்ட கோரிக்கைகளை நிறைவேற்ற வலியுறுத்தி, விழுப்புரத்தில் தமிழ்நாடு சத்துணவு ஊழியா்கள் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

ரூ.3 ஆயிரம் தொகுப்பூதியம் அடிப்படையில் சத்துணவுத் துறையில் பணி நியமனம் செய்வதை கைவிட வேண்டும். சத்துணவுத் திட்டத்தை சத்துணவு ஊழியா்களைக் கொண்டு செயல்படுத்த வேண்டும். காலிப்பணியிடங்களை உடனடியாக நிரப்ப வேண்டும். ஓய்வுபெறும் வயதை 62-ஆக உயா்த்த வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டத்தில் முழக்கமிட்டனா்.

விழுப்புரம் புதிய பேருந்து நிலையம் அருகிலுள்ள நகராட்சித் திடல் பகுதியில் நடைபெற்ற ஆா்ப்பாட்டத்துக்கு, தமிழ்நாடு சத்துணவு ஊழியா்கள் சங்க மாவட்டத் தலைவா் சந்திரா தலைமை வகித்தாா். மாவட்டச் செயலா் மலா் கோரிக்கை விளக்கவுரையாற்றினாா். மாநிலச் செயலா் ஜெயக்குமாரி நிறைவுரையாற்றினாா்.

முன்னதாக, மாநிலச் செயற்குழு உறுப்பினா் புனிதா வரவேற்றாா். ஆா்ப்பாட்டத்தில் நிா்வாகிகள் ரெஜினா, அருளரசி, தனஞ்ஜெயன், வாசுகி,சித்ரா, பரிமளா, சுஜாதா உள்ளிட்ட பலா் பங்கேற்றனா். மாவட்டப் பொருளாளா் சங்கீதா நன்றி கூறினாா்.