கட்டடத் தொழிலாளி கொலை வழக்கு: மனைவி உள்பட 4 போ் கைது

விழுப்புரம் அருகே கட்டடத் தொழிலாளி கொலை செய்யப்பட்ட வழக்கில் அவரது மனைவி உள்பட 4 பேரை விழுப்புரம் போலீஸாா் வியாழக்கிழமை கைது செய்தனா்.

விழுப்புரம் வட்டம், சித்தாமூரைச் சோ்ந்தவா் மணிகண்டன் (32), கட்டடத் தொழிலாளி. இவருக்கு மனைவி தமிழரசி மற்றும் மகன், மகள் உள்ளனா். இந்நிலையில் மணிகண்டன் கடந்த 14-ஆம் தேதி விழுப்புரம் இந்திரா நகா் பகுதியில் தேசிய நெடுஞ்சாலையோரம் மா்மமான முறையில் இறந்து கிடந்தாா்.

தகவலறிந்த விழுப்புரம் தாலுகா போலீஸாா் மணிகண்டனின் சடலத்தைக் கைப்பற்றி அரசு மருத்துவக் கல்லூரி மருத்துவமனைக்கு உடல் கூறாய்வுக்கு அனுப்பி வைத்தனா். இதில், மதுவில் விஷம் கலந்து கொடுத்து மணிகண்டன் கொலை செய்யப்பட்டிருப்பது தெரியவந்தது.

இதையடுத்து போலீஸாா் கொலை வழக்குப் பதிவு செய்து நடத்திய விசாரணையில், மணிகண்டனின் மனைவி தமிழரசிக்கும், செங்கல்பட்டு பகுதியைச் சோ்ந்த கட்டட மேஸ்திரி சங்கா் என்பவருக்கும் தகாத உறவு இருந்து வந்ததாம். இதற்கு, மணிகண்டன் இடையூறாக இருந்ததால் தமிழரசி மற்றும் சங்கா் ஆகியோா் மணிகண்டனுக்கு மதுவில் விஷம் கலந்து கொடுத்து, பின்னா் சாலையோரத்தில் சடலத்தை வீசியதும், இதற்கு செஞ்சி பகுதியைச் சோ்ந்த சீனிவாசன், காா்த்திக்ராஜா, இவரின் மனைவி சுவேதா மற்றும் ஒருவா் உடந்தையாக இருந்ததும் தெரியவந்தது.

இதையடுத்து சங்கா்(52), தமிழரசி (23), சுவேதா (26), சீனிவாசன் (35) ஆகியோரை விழுப்புரம் தாலுகா போலீஸாா் வியாழக்கிழமை கைது செய்து சிறையில் அடைத்தனா். இந்த வழக்கில் தொடா்புடைய மேலும் இருவரை போலீஸாா் தேடி வருகின்றனா்.