செஞ்சி அருகே வனப் பகுதிகளில் காணப்படும் சிங்கவால் குரங்குகள்

விழுப்புரம் மாவட்டம், செஞ்சி காப்புக்காடு, செஞ்சியை அடுத்த வடகால் கிராமத்தில் உள்ள வனப்பகுதிகளில் சிங்கவால் குரங்குகள் காணப்படுகின்றன.

அரியவகை வனவிலங்கான சிங்கவால் குரங்குகள் மக்கள் நடமாட்டம் அதிகம் இல்லாத பகுதிகளில் வாழ்கின்றன. கடந் சில ஆண்டுகளுக்கு முன்பு செஞ்சிக்கோட்டையை ஒட்டியுள்ள காப்புக் காட்டில் சிங்கவால் குரங்குகள் ஒரு சில மட்டுமே இந்தன.

இந்த நிலையில், தற்போது கோணை ஊராட்சிக்குள்பட்ட வடகால் கிராமத்தில் சிங்கவால் குரங்குகள் அதிகளவில் காணப்படுகின்றன. செஞ்சியில் இருந்து கோணை மற்றும் சின்னபொன்னம்பூண்டி கிராமத்தில் இருந்தது வடகால் கிராமத்துக்கு செல்லும் வழியில் உள்ள வனப்பகுதிகளில் சிங்கவால் குரங்குகள் காணப்படுகின்றன.

கடந்த சில ஆண்டுகளாக தொடா் மழை காரணமாக செஞ்சியை சுற்றியுள்ள காடுகள் செடிகொடி, மரங்கள் வளா்ந்து பசுமையுடனும், செழிப்புடனும் உள்ளன. இதன் காரணமாக, மான், காட்டுப் பன்றி, காட்டு முயலுடன், தற்போது காணப்படும் சிங்கவால் குரங்கு, மயில்கள் என வனவிலங்குகள் வாழ்வதற்கு ஏற்ற இடமாக இந்த வனப்பகுதி மாறியுள்ளதாக வனத் துறையினா் தெரிவித்தனா்.