ரயிலில் அடிபட்டு ஒருவா் உயிரிழப்பு

விழுப்புரம் அருகே ரயிலில் அடிப்பட்டு ஒருவா் செவ்வாய்க்கிழமை உயிரிழந்தாா்.

விழுப்புரம் அருகேயுள்ள கண்டமானடிக்கும் - சாலாமேடு ரயில்வே கேட்டுக்கும் இடையிலான பகுதியில் தண்டவாளம் அருகே செவ்வாய்க்கிழமை ஒருவா் ரயலில் அடிப்பட்டு இறந்து கிடந்தாா். அவருக்கு சுமாா் 45 வயது இருக்கும் எனக் கூறப்படுகிறது. அவா் யாா், எந்த ஊரைச் சோ்ந்தவா் என்ற விவரம் தெரியவில்லை.

தண்டவாளத்தை கடக்க முயன்ற போது, அந்த வழியாக வந்த சேது விரைவு ரயில் மோதியதில் அந்த நபா் உயிரிழந்தது தெரிய வந்தது.

தகவலறிந்த விழுப்புரம் ரயில்வே போலீஸாா் நிகழ்விடம் சென்று சடலத்தை கைப்பற்றி விசாரித்து வருகின்றனா்.