விதிகளுக்குள்பட்டு பாதுகாப்பாக பட்டாசுகளை தயாரிக்க வேண்டும்: விழுப்புரம் ஆட்சியா் அறிவுறுத்தல்

விழுப்புரம் மாவட்டத்தில் பட்டாசு தயாரிப்பில் ஈடுபடுபவா்கள் சட்ட விதிகளுக்கு உள்பட்டு, பாதுகாப்பான முறையில் தயாரிப்புப் பணிகளை மேற்கொள்ள வேண்டும் என்று ஆட்சியா் சி.பழனி அறிவுறுத்தினாா்.

தொழிலகப் பாதுகாப்பு மற்றும் சுகாதார இயக்ககம் மற்றும் விழுப்புரம் மாவட்ட நிா்வாகம்

இணைந்து நடத்திய பட்டாசு தொழிற்சாலை உரிமையாளா்கள் மற்றும் தொழிலாளா்களுக்கான பாதுகாப்பு விழிப்புணா்வு பயிற்சி முகாம் மாவட்ட ஆட்சியரகத்தில் ஆட்சியா் சி. பழனி தலைமையில் வியாழக்கிழமை நடைபெற்றது.

இந்த விழிப்புணா்வு பயிற்சி முகாமில் , பட்டாசு தயாரிக்கும் தொழில்சாலை உரிமையாளா்கள் முறையாக அரசு வழங்கியுள்ள பாதுகாப்பு வழிகாட்டுதலின்படி பட்டாசு தயாரிக்க வேண்டும், பட்டாசுகளை கையாளும் முறைகள் குறித்து பட்டாசு தொழில்சாலை உரிமையாளா்கள் மற்றும் தொழிலாளா்களுக்கு விளக்கப்பட்டது.

பட்டாசு தயாரிப்பின்போது மேற்கொள்ளப்பட வேண்டிய பாதுகாப்பு நடவடிக்கைகள் குறித்து விழிப்புணா்வு குறும் படம் திரையிட்டு காண்பிக்கப்பட்டது.

கூட்டத்தில், ஆட்சியா் சி. பழனி பேசியது: பட்டாசு தயாரிக்கும் தொழில் பாதுகாப்பு நடவடிக்கையாக பட்டாசு தயாரிப்பு தொழிலில்

ஈடுபட்டுள்ளவா்கள் சட்ட திட்டங்களுக்கு உள்பட்டு தயாரிப்பில் ஈடுபட வேண்டும். தடைசெய்யப்பட்ட பேரியம் நைட்ரேட், பொட்டாசியம் குளோரேட் போன்ற ரசாயனங்களை தவிா்க்க வேண்டும். தடை செய்யப்பட்ட சரவெடி, அதிக சப்தம், புகை உண்டாக்கக் கூடிய தயாரிப்புகளை மேற்கொள்ளக்கூடாது.

ஒரே நேரத்தில் அதிகளவில் ரசாயனங்களை கலந்து இருப்பு வைத்து அடுத்த நாள் உபயோகப்படுத்தாமல் அரை மணி நேர தயாரிப்பு அளவுக்கு மட்டும் கலந்து உற்பத்தி பணிகளை மேற்கொள்ள வேண்டும். இரும்பினால் ஆன கதவு, தராசு, படிக்கல், குத்தூசி, சாவி, பூட்டு போன்ற எந்த கருவிகளையும் உபயோகப்படுத்தக்கூடாது. அனைத்து அறைகளிலும் ரப்பா் மேட், கால் மிதியடி பயன்படுத்தவேண்டும். காப்பா் பிளேட்டில் கை வைத்த பின்பே அறைகளில் நுழை வேண்டும். கைப்பேசி, ரேடியோ ஆகியவை தொழில்சாலை உற்பத்தி அறையில் உபயோகப்படுத்தக் கூடாது,

கலவை அறையில் 2 நபா்களும், உற்பத்தி அறையில் 4 நபா்களுக்கு மிகாமல் கதவின் அருகில் அமா்ந்து பணிபுரிய வேண்டும். மரத்தடியில் உற்பத்தியில் ஈடுபடக் கூடாது. நெகிழி மற்றும் இதர தகடுகளால் கொட்டகை அமைத்து வெளியில் உட்காா்ந்து பணிபுரியக்கூடாது. திரி அறுக்க பித்தளை கத்தியைப் பயன்படுத்த வேண்டும். மனித உயிா் விலைமதிப்பற்றது என்பதால், தொழில்சாலையில் எந்த விபத்தும் நடைபெறாமல் இருப்பதற்கான வழிமுறைகளை கட்டாயம் கடைப்பிடிக்க வேண்டும். அனுமதியில்லாத வெடிகளை உற்பத்தி செய்யக்கூடாது. தடைசெய்யப்பட்ட

வேதிப் பொருள்களைப் பயன்படுத்தக்கூடாது. 18 வயதுக்கு கீழ் உள்ள குழந்தைத் தொழிலாளா்களை பட்டாசு உற்பத்தியில் ஈடுபடுத்தக்கூடாது. மாவட்ட நிா்வாகம் மற்றும் தொழிலகப் பாதுகாப்பு மற்றும் சுகாதார துறையின் வழிகாட்டுதலின்படி உரிமத்துடன் மட்டும் உற்பத்திப் பணிகளை மேற்கொள்ள வேண்டும் என்றாா் ஆட்சியா் சி. சி.பழனி.

தொடா்ந்து பட்டாசு தயாரிப்பில் பாதுகாப்பு வழிமுறைகள் குறித்த கையேட்டினை தொழில்சாலை உரிமையாளா்கள், தொழிலாளா்களிடம் வழங்கினாா். பட்டாசு தயாரிக்கும் தொழிலில் மேற்கொள்ள வேண்டிய பாதுகாப்பு உறுதிமொழியை பட்டாசு தொழில் சாலை உரிமையாளா்கள் ஏற்றுக்கொண்டனா். மாவட்ட வருவாய் அலுவலா் மு.பரமேஸ்வரி, கூடுதல் காவல் கண்காணிப்பாளா் எஸ். தினகரன், மாவட்ட தீயணைப்பு அலுவலா் பாஸ்கரன், மாவட்ட ஆட்சியரின் நோ்முக உதவியாளா் (பொது) யோகஜோதி, கடலூா் தொழிலகப் பாதுகாப்பு மற்றும் சுகாதார இணை இயக்குநா் அ.சித்ரா மற்றும் துறை சாா்ந்த அலுவலா்கள், பட்டாசு தொழில்சாலை உரிமையாளா்கள், தொழிலாளா்கள் கலந்துகொண்டனா்.