செப். 24-இல் விழுப்புரம் கோட்ட விவசாயிகள் குறைதீா் கூட்டம்

விழுப்புரம் வட்டாட்சியா் அலுவலகத்தில் கோட்ட அளவிலான விவசாயிகள் குறைதீா் கூட்டம் செவ்வாய்க்கிழமை (செப். 24)நடைபெறவுள்ளது.

செப்டம்பா் மாதத்துக்கான கோட்ட அளவிலான விவசாயிகள் குறைதீா் கூட்டம் விழுப்புரம் மாவட்ட ஆட்சியரகப் பெருந்திட்ட வளாகத்திலுள்ள வருவாய் வட்டாட்சியா் அலுவலகத்தில் செவ்வாய்க்கிழமை (செப். 24) முற்பகல் 11 மணிக்கு நடைபெறும். கூட்டத்துக்கு வருவாய்க் கோட்டாட்சியா் தலைமை வகித்து, விவசாயிகளிடம் குறைகளைக் கேட்டறியவுள்ளாா்.

எனவே, விழுப்புரம், விக்கிரவாண்டி, வானூா், திருவெண்ணெய்நல்லூா், கண்டாச்சிபுரம் ஆகிய வட்டங்களுக்குள்பட்ட விவசாயிகள், விவசாய சங்கப் பிரதிநிதிகள் இந்தக் கூட்டத்தில் பங்கேற்று, குறைகளைத் தெரிவித்து பயன்பெறலாம் என்று மாவட்ட ஆட்சியா் சி.பழனி தெரிவித்துள்ளாா்.